Ихыркәшоуп Рауль Ҳаџьымба Ҟарачы-Черқьестәи Ареспубликаҟны иусуратә визит

Ихыркәшоуп Рауль Ҳаџьымба Ҟарачы-Черқьестәи Ареспубликаҟны ҩымштәи иусуратә визит.  
    
Ҟарачы-Черқьестәи Ареспубликаҟны иҟазаара иалагӡаны Рауль Ҳаџьымба дырҧылеит ҞЧА Ахада Рашид Темрезови, Ҟарачы-Черқьестәи Ареспублика аиҳабыра алахәылаҩцәеи, Апарламент адепутатцәеи, Аҧсны жәлар Рџьынџьтәылатә еибашьра аветеранцәа - ауаажәларратә еиҿкаара “ҞЧА аҟнытә зхатәгәаҧхарала Аҧсны иеибашьуаз Реидгыла” алахәылаҩцәеи.  

Мшаҧы 29 рзы Аҧснытәи аделегациа алахәын Аҧсны Актәи Ахада  Владислав Арӡынба игәалашәара иазкыз ахәылҧаз.  

Аҧсны Ахада Ҟарачы-Черқьестәи Ареспублика ашҟа иусуратә визит аан ицын   Ашәарҭадаратә Хеилак амаӡаныҟәгаҩ Муҳамед Кьылба, Амилаҭтә олимпиатә еилакы Апрезидент Валери Аршба, Адунеизегьтәи аҧсуа-абазатә конгресс амаӡаныҟәгаҩ хада Геннади Аламиа, ауаажәларратә усзуҩы Хьрыҧс Џьапуа.


Возврат к списку