Аҧсны Аҳәынҭқарра Ахада

 

Ахадеи Аҧыза-министри ҭелла реицәажәараҿы ирзааҭгылеит аусуратә зҵаарақәа

28.01.2022

Ахадеи Аҧыза-министри ҭелла реицәажәараҿы ирзааҭгылеит аусуратә зҵаарақәа

Аҧсны Аҳәынҭқарра Ахада Аслан Бжьаниеи Аҧыза-министр Александр Анқәаби ҭелла реицәажәараҿы ирзааҭгылеит аусуратә зҵаарақәа.

Аминистрцәа реилазаара анапхгаҩы Ахада адырра ииҭеит аҿкычымазара алаҵәара инамаданы иҟоу аҭагылазаашьа атәы, ҷыдала, аштамм ҿыц "омикрон" ази Агәабзиарахьчара аминистрреи аиҳабыреи имҩаԥырго ауснагӡатәқәеи рзы.

Аҳәынҭқарра Ахада даниацәажәоз Александр Анқәаб хшыҩзышьҭра аиҭеит ачымазара аизҳара шазгәаҭоу, аха убри аан ашьҭаҵара зыхәҭоуи иӷәӷәоу ачымазацәеи рхыԥхьаӡара шеиҵахаз атәы. Аԥыза-министр иҳәеит аҵараиуратә усҳәарҭақәак рыҟны акарантин шрылаҳәоу.

Ахада аиҳабыреи ауааԥсыра короновирустә ҿкы рацәыхьчаразы аоперативтә штаби рнапы ианиҵеит ачымазцәа хәышәла реиқәыршәаразы хырԥашьа змам ауснагӡатәқәа мҩаԥыргаларц.

Ахада ишьақәгыло аҭагылазаашьа инамаданы аиҳабыра ирыдиҵеит есҽны адырра ирҭаларц.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org