Аҧсны Аҳәынҭқарра Ахада

 

Ахада Хышба Ф. Ф. лыуацәеи лҭынхацәеи дрыдышшылеит

25.01.2022

Аԥсны Аҳәынҭқарра Ахада Аслан Бжьаниа Хышба Фатима Филипп-иԥҳа лыуацәеи лҭынхацәеи дрыдышшылеит.

«Хышба Фатима Филипп-иԥҳа лыԥсҭазаара лалҵра инамаданы гәалсра дула срыдышшылоит лыуацәеи лҭынхацәеи.

Фатима Филипп-иԥҳа лнапы злакыз аусҭҵааҩ иусура инаркны Аԥснытәи АССР Иреиҳаӡоу Асовет анапхгаратә маҵзурақәа руак аҟынӡа аныҟәгара ахьлылшаз лџьатә ԥсҭазаара зегьы иаанарԥшуеит апрофессионализм ҳаракы, аус ацәхьамҵра, есқьынгьы аиаша адгылара.  
Аиуристтә уаажәларра рыҩныҵҟа илымаз набыцра зқәым аҳаҭыр иабзоураны, Фатима Филипп-иԥҳа аҳәынҭқарреи азини рырҿиараҟны илылшаз рацәоуп. Уи лгәаанагара иқәныҟәон аҳәынҭқарратәи аполитикатәи усзуҩцәа.  
Фатима Филипп-иԥҳа Хышба лгәалашәара лаша рыцзаауеит илзааигәоу ауаа, лҩызцәа, лколлегацәа».  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org