Аҧсны Аҳәынҭқарра Ахада

 

Аслан Бжьаниа Минтимер Шаимиев ииубилеи идиныҳәалеит

20.01.2022

Аԥсны Аҳәынҭқарра Ахада Аслан Бжьаниа Минтимер Шаимиев ииубилеи идиныҳәалеит. Иара 85 шықәса ихыҵит.

Адныҳәаларатә цҳамҭаҟны иазгәаҭоуп:  

«Ҳаҭыр зқәу Минтимер Шарип-иԥа,

Ҳаҭырла сшышәзыҟоу агәра шәырго, гәык-ԥсык ала ишәыдысныҳәалоит шәиубилеи.  

Шәара шәнысмҩа Аԥсадгьыл гәык ала амаҵ ауразы иҿырԥшыганы иҟоуп. Шәара иузымыӡбо зҵаара ыҟаӡам ҳәа изыԥхьаӡо ҳәынҭқарратә усзуҩуп. Напхгара ззыжәуа Ареспублика Ҭаҭарстан Урыстәылатәи Афедерациаҟны аҿиара иаҿу арегионқәа раԥхьа игылоуп. Шәара есқьынгьы ишәныԥшуан аполитикаҿы агәагьра, аҟәыӷара, набыцра змам ахьӡ шәыман. Иахьагьы ишәылшаз азырханы шәаанымгылакәа, ажәлар рыхьӡала шәусура иацышәҵоит.  

Аԥсны Аҳәынҭқарреи Ареспублика Ҭаҭарсҭани аиҩызареи аусеицуреи рыбжьоуижьҭеи акрааҵуеит. Аԥсны жәлар иҭабуп ҳәа шәарҳәоит еиҳа ианыуадаҩыз аамҭазы Ҭаҭарсҭан иҟанаҵаз ацхырааразы.  

Минтимер Шарип-иԥа, абри аныҳәамш аҽны гәык-ԥсыкала ишәзеиӷьасшьар сҭахуп еицакра змам агәамч, аизҳазыӷьара, анасыԥ.».  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org