Аҧсны Аҳәынҭқарра Ахада

 

Адыгеиа Ареспублика ԥасатәи ахада Хазреҭ Совмен Аԥсны 50 млн мааҭ ҳамҭас иаиҭеит

27.12.2021

  Адыгеиа Ареспублика ԥасатәи ахада Хазреҭ Совмен Аԥсны 50 млн мааҭ ҳамҭас иаиҭеит

Аԥсны Аҳәынҭқарра Ахада Аслан Бжьаниеи Хазреҭ Совмени ҭелла реицәажәара ашьҭахь иӡбан ихатә ԥарақәа рыҟнытә Аԥсны 50 млн мааҭ аҭара.

Аҳәынҭқарра Ахада иҭабуп ҳәа ахиҳәааит Хазреҭ Совмен иҟаиҵо адгылареи ацхыраареи рзы.
  ́́
«Аԥсны жәлар рзы Шәара иҟашәҵо ахә ашьара уадаҩуп. Даара иҭабуп ҳәа шәаҳҳәоит» - иҳәеит Ахада.

Бжьаниеи Совмени коронавирустә ҿкы Covid-19 алаҵәара инамаданы иҟоу аҭагылазаашьеи иара убас егьырҭ азҵаарқәа жәпаки ирылацәажәеит.

Ишәгәалаҳаршәоит, Хазреҭ Совмен хынтәуп ареспублика ацхыраара аиҭоижьҭеи. Иахьа уи иҟаиҵаз ацхыраара иартәоит 150 млн мааҭ.

Аслан Бжьаниеи Хазреҭ Совмени иааиуа Ашықәс ҿыц азы адныҳәаларақәа еимырдеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org