Аҧсны Аҳәынҭқарра Ахада

 

Ахада Д.И.Гәлиа ихьӡ зху Аҧсуаҭҵааратә институт аҟны имҩаҧысуаз Жәларбжьаратәи аконференциа далахәын

02.03.2021

Аҧсны Аҳәынҭқарра Ахада Аслан Бжьаниа Аҧсны мчра ашьақәгылара 100 шықәса ахыҵра иазкыз «Асовет мчра: Аҭоурыхтә ҧышәеи ҳазҭагылоу аамҭазы уи азнеишьеи» ҳәа хьӡыс измаз Жәларбжьаратәи аконференциа далахәын.

Аконференциа мҩаҧысит Д.И. Глиа ихьӡ зху аҧсуаҭҵааратә институт аҟны.  

Аҳәынҭқарра Ахада аконференциа иалахәыз аҧсшәа раҳәаны, иҳәеит аконференциа аихшьалақәа Аҧсны асоветтә аамҭазтәи аҭоурых еиуеиҧшым аганқәа рыла рыҭҵаараҟны лагаламҭаны ишыҟало.

«Аҧсны азы шәышықәса раҧхьатәи ахҭысқәа – амилаҭтә ҭоурых азы акыр рыҵаркуеит, уи иузаҟәымҭхогьы иалоуп.

Асоеттә ҳәынҭқарратәра аҭҵаареи азхәыцреи иахьа атеориатә еиҧш, апрактикатә ҵакгьы амоуп. Агәра ганы сыҟоуп аамҭақәа реимадара шеиқәырхатәу, ҳҭоурых адаҟьақәеи аамҭахҵәахақәеи гәцаракрала, ҳаҭырқәҵарала ишрызнеитәу.  Аҭоурых ҳажәлар еиҟәнамшозароуп, уи аидкылара иазкызароуп.  

Гәахәароуп, жәларбжьаратәи аконференциа аҧсуеи аурыси ҵарауаа ахьеиднакылаз. Ҳара зегьы иаҳзеиҧшу уалны иҳадуп аҭоурыхтә иаша ахьчара. Уи ауп аиҩызара, агәылаеимабзиара, аҳаҭыреиқәҵара шьаҭас ирымоугьы», - иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org