Аҧсны Аҳәынҭқарра Ахада

 

Аслан Бжьаниа Михаил Мишустин ииубилеи идиныҳәалеит

03.03.2021

Аҧсны Аҳәынҭқарра Ахада Аслан Бжьаниа Урыстәылатәи Афедерациа Аҧыза-министр  Михаил Мишустин  55-шықәсаихыҵратә иубилеи идиныҳәалеит.

Адныҳәалартә цҳамҭаҟны иҳәоуп:

Ҳаҭыр зқәу  Михаил Владимир-иҧа, гәык-ҧсыкала ишәыдысныҳәалоит шәиубилеи.

Иҳараку апрофессионализм, астратегиатә хәыцра, апроблематика инарҵауланы азнеиреи ишәымоу агәаҕьреи ирыбзоураны Шәара қәҿиарала аус зуа аҳәынҭқарратә усзуҩы ихьӡ-иҧша шәаҧсахеит.  

Михаил Владимир-иҧа, аҭагылазаашьа бзиа схы иархәаны, Шәаргьы Урыстәылатәи Афедерациа аиҳабырагьы иҭабуп ҳәа шәасҳәарц сҭахуп ҳтәыла короновирустә ҿкы апандемиа аамҭа хьанҭақәа раан иашәҭаз хәы змаӡам ацхырааразы.  

Агәра згоит Шәара шәыцхыраарала аҧсны-урыстәылатәи аусеицура ахырхарҭақәа зегьы рыла активла аҿиара шроуа.

Ишәзеиҕьасшьоит агәабзира, агәамч, аихьӡара ҿыцқәа Урыстәылатәи аҳәынҭқарра амаҵ аураҟны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org