Аҧсны Аҳәынҭқарра Ахада

 

Аслан Бжьаниа Мураҭ Кумпилов Имшира идиныҳәалеит

27.02.2021

Хәажәкырамза 27 рзы Аҧсны Аҳәынҭқарра Ахада Аслан Бжьаниа Ареспублика Адыгеиа Ахада Мураҭ Кумпилов Имшира идиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәу Мураҭ Каральби-иҧа!

Аҧсны жәлари хаҭала сара сҟынтәи ишәыдысныҳәоит Шәирамш.

Гәахәара дула иреиҕьу азеиҕьашьарақәа шәзыскырц сҭахуп, Шәара, ҳашьцәа адыга жәлар ртәыла – Ареспублика Адыгеиа Ахада иаҳасабала.

Шәара аҧышәа змоу аполитик, аҳәынҭқарратә усзуҩ шәнапхгарала Ареспублика аихьӡара бзиақәа амоуп асоциалтә-економикатә ҿиараҟны. Иҳараку шәыпрофессионализм, шәдыррақәа, шәҧышәа ирыбзоураны шәыуаажәлар раҳаҭыри рыбзиабареи шәаҧсахеит. Ҷыдала иазгәаҭазар сҭахуп ҳаиашьаратә жәларқәа шәышықәсала ирыбжьоу аизыҟазаашьақәа рырҕәҕәараҟны шәлагаламҭа шдуу.

Ҳаҭыр ду зқәу Мураҭ Каральби-иҧа, Шәымшира аҽны ишәзеиҕьасшьоит агәабзиара, Ареспублика Адыгеиеи Урыстәылатәи Афедерациеи рымаҵ аура иазку аус аҟны аихьӡарақәа!»

    


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org