Аҧсны Аҳәынҭқарра Ахада

 

Аԥсны Аҳәынҭқарра Ахада Аслан Бжьаниа Урыстәылатәи Афедерациа Ахада Владимир Путин Аԥсадгьыл ахьчаҩ имш идиныҳәалеит

23.02.2021

Аԥсны Аҳәынҭқарра Ахада Аслан Бжьаниа Урыстәылатәи Афедерациа Ахада Владимир Путин Аԥсадгьыл ахьчаҩ имш идиныҳәалеит.

Адныҳәаларатә цҳамҭаҟны, ҷыдала, иҳәоуп:


"Ҳаҭыр зқәу Владимир Владимир-иҧа!

Ишәыдысныҳәалоит  Аԥсадгьыл ахьчаҩ имш!

Зеиӷьыҟам ари аныҳәа фырхаҵареи хьӡи-ҧшеи згым Урыстәыла аҭоурых,   урыстәылатәи ар апатриотизмреи уи ажәлар ракреи ирсимволуп.

Жәабран 23 рзы ҳара ҳаҭырла иаҳгәалаҳаршәоит агәаӷьра злаз, зхы иамеигӡоз, доуҳала иӷәҭәаз, зыҧсҭазаара Аҧсадгьыл ахьчара иазызкыз, ауаажәларра рҭынч ҧсҭазаара зыхьчо ауаа..

Аҧсны жәлар урыстылатәи архәҭақәа, иара убас, хаҭала Шәара,  иҭабуп ҳәа шәарҳәоит ҳадгьыл аҿы аҭынчра ахьчаразы шәылшамҭақәа рзы. Урыстәылеи ҳареи иҳабжьоу арра-техникатә усеицзура Аҧсны анапхгара еиҳа ҧыжәара зырҭо ахырхарҭақәа ируакуп.

Абри аныҳәамш азы, ҳаҭыр зқәу Владимир-Владимир-иҧа, ишәзеиӷьасшьоит агәабзиара, агәамч, аизҳазыӷьара, милаҭрацәала Урыстәыла иқәынхо ажәлар рымаҵ аураҿы аҧхьаҟагьы аихьӡарақәа".  
  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org