Аҧсны Аҳәынҭқарра Ахада

 

Ахада «Инва-ацхыраара» Ассоциациа аофис даҭааит

19.02.2021

Ахада «Инва-ацхыраара» Ассоциациа аофис даҭааит

  Ассоциациа анапхгаҩы Алхас Ҭҳагушев Ахада иҟны ицәыригеит Аҧсны иахьаҵанакуа амҩақәа рыҟны амашәыр ахыҧхьаӡара аиҵатәра иазку «Амҩақәа рыҟны ҧсыҭбарада» захьӡу апрограмма.

Ҭҳхагушев иажәақәа рыла, Ассоциациа сынтәа зҿлымҳара аҭара иалагоит амҩақәа рыҟны ашәарҭадара азҵаара.  «Ҳара иаадыруеит Шәара Ахадарахьы кандидатс шәанықәгылаз ари азҵаара ихадароу акы акәны ишышьҭышәхыз. Ҳара абри аганахьала иазҳархиаз агәаанагарақәа шәыдаагалоит», - иҳәеит Ҭҳагушев.

Ахада ари азыӡба иамоу аҵакы шдуу азгәаҭо, иҳәеит амҩақәа рыҟны аҧсыҭбарақәа шмаҷхаз акырӡа.  «Рыцҳарас иҟалаз, 2020 ш. амҩаҟны амашәыр иахҟьаны иҭахеит 57-ҩык. Ари 2019 ш. рзы аасҭа аӡәы ила еиҵоуп. Убри аан иазгәаҭатәуп 2020 ш. апандемаиеи аҳәаа аркреи ирыхҟьаны автотранспорттә хархәагақәа реиҭаҵра шеиҵаз», - иҳәеит Ахада.

Иара убас Ахада иҳәеит Аҩныҵҟатәи аусқәа рминистрра аҿаҧхьа уснагӡатәны ишықәгылоу абри ахырхарҭала аусура арҕәҕәара. «Анаҩс аиҿырҧшратә анализ ҟаҳҵоит сынтәеи иҳаҩсыз ашықәсқәа рырбагақәеи рыла. Алҵшәақәа инарықәыршәаны азыӡбақәа шьҭаҳхуеит, акадртәқәагьы уахь иналаҵаны», - иҳәеит Аслан Бжьаниа.
Ахада иҳәеит амҩақәа рыҟны ашәарҭадара азҵаара комплексла аӡбара шаҭаху.  «Ари апроблема аӡбара ААИ мацара иадӡам. Ари азинтә, атехникатә гангьы амоуп.  
Аҳәынҭқарра Ахада далацәажәеит Москва Аиҳабыра “Ишәарҭадоу ақалақь” захьӡу апрограмма анагӡараҟны ацхыраара ишазхиоу. Уи иаанаго, иҷыдоу атехникатә хархәагақәа рыла ацхыраара аҭара ауп», - иҳәеит Ахада.

Ахада иара убас хшыҩзышьҭра аҭаны далацәажәеит  ацәгьоура бааҧсқәа рыҟны аасҭа  амҩатә машәырқәа рыҟны аахақәа зауа еиҳа ишырацәоу.  «ААР ажәалагалақәа разырхиара иаҿуп Административтә зинеилагарақәа рзы Азакәанеидкылеи Ашьаустә закәанеидкылеи аҧсахрақәа ралагаларазы. Абри инацҵаны аҩныҵҟатәи аусқәа русбарҭақәа русзуҩцәа рыбжьара аилыркааратә, аусура агәазҭаҵара иазку аусура амҩаҧгарагьы хацыркхоит», - ҳәа азгәеиҭеит аҳәынҭқарра Ахада.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org