Аҧсны Аҳәынҭқарра Ахада

 

Ахада Ауаҩы изинқәа рзы азинмчзмоу иаппарат аофис даҭааит.

19.02.2021

Ахада Ауаҩы изинқәа рзы азинмчзмоу иаппарат аофис даҭааит.

Аҧсны Аҳәынҭқарра Ахада Аслан Бжьаниа Ауаҩы изинқәа рзы азинмчзмоу иаппарат аофис даҭааит.

Ахадеи Ауаҩы изинқәа рзы азинмчызмоу Асида Шаҟрыли атәылауаа зинла реиқәыршәареи амаҵурауаа азакәан рықәныҟәареи ирызку азҵаарақәа ирылацәажәеит.
«Ари аинститут макьана иқәыҧшуп, ачынуаа аӡәырҩы ашьцылаӡам әзы Шәара шәыцхыраара ҳҭахуп»,- лҳәеит Шьаҟрыл Ахада даниацәажәоз.  
Уи лажәақәа рыла, иҟоу апроблема зыхҟьо, иреиҳаӡоуи абжьаратәи аҩаӡараҟны иҟоу ачынуаа  азакәан еиларгоит, уи азы аҭакҧхықәрагьы зду дмаҷуп. Иарбанзаалак реформак ақәҿиара аманы иҟалаӡом азакәан ҳаҭырла иазнеиуа иалагаанӡа. Зеиҧшыҟам аконцепциа ҩны ишьҭухит ҳәа уи анагӡара залшаӡом азкакәан ақәныҟәара ыҟамкәа»,  - ҳәа илыҧхьаӡоит А. Шьаҟрыл.

Аслан Бжьаниа иҳәеит атәылауаа рзинқәа Аҧсны Аҳәынҭқарра Аконституциааҟны ишьақәырҕәҕәаны ишыҟоу, урҭ рыхьчарагьы аиҳабыра амчрақәа рҿаҧхьа иқәгылоу ауснагӡатәқәа рыҟны еиҳа ҧыжәара шамоу.  «Сара, ҳәарада, шәеиҿкаара аусура ҷыдала азҿлымҳара асҭалоит».-иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org