Аҧсны Аҳәынҭқарра Ахада

 

Ахада Алада Уаԥстәыла Ареспублика адәныҟатәи аусқәа рминистр Дмитри Медоев дидикылеит

15.02.2021

Ахада Алада Уаԥстәыла Ареспублика  адәныҟатәи аусқәа рминистр Дмитри Медоев дидикылеит

Аԥсны Аҳәынҭқарра Ахада Аслан Бжьаниа Алада Уаԥстәыла Ареспублика аҳәаанырцәтәи аусқәа рминистр Дмитри Медоев дидикылеит.

Аиԥылараҟны ирылацәажәан аҩ-ҳәынҭқаррак рыбжьара аԥсуа-ауаԥс еизыҟазаашьақәа рыҿиара иадҳәалаз азҵаарақәа.

Алада Уаԥстәыла адәныҟатәи аусқәа рминистр аԥсшәа иаҳәо, ҷыдала,  Аԥсны Аҳәынҭқарра Ахада иазгәеиҭеит:

Ҳҳәынҭқаррақәа шықәсырацәала ирыбжьоу аизыҟазаашьақәа, хымԥада, аԥхьаҟагьы ирыҳцҵоит, аҿиара роуеит. Избанзар,  ҳажәларқәа хықәкыс ирымоуп. Ҳарҭ еснагь зҿлымҳара раҳҭоит ҳаиашьаратә Алада Уаԥстәылатәи Ареспубликаҿы имҩаԥысуа ахҭысқәа, шәыԥсҭазаара ҳалахәуп, гәахәарала иҳадаҳкылоит Алада Уаԥстәылантәи ажәабжь бзиақәа анҳаҳауа.

Алада Уаԥстәыла адәныҟатәи аусқәа рминистр Аԥсны Ахада иҭабуп ҳәа иеиҳәеит иҟаиҵаз адкыларазы, иара убас,  Алада Уаԥстәыла Ахада Анатоли Бибилов ихьӡала ртәылахь днаиԥхьеит.

Аԥсны Ахада ҳаҭырла идикылеит ааԥхьара, иҳәеит аиашьаратә Респулика хымԥада дшаҭаауа.

Аслан Бжьаниа иганахьалагьы уаԥстәылатәи иколлега Анатоли Бибилов официалла  Аԥсныҟа ааԥхьара шииҭо атәы иҳәеит.
        
Аиԥылара далахәын Аԥсны адәныҟатәи аусқәа рминистр Даур Ақаҩба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org