Аҧсны Аҳәынҭқарра Ахада

 

Ахада азинхьчаратә усбарҭақәа русура аиӷьтәразы ауснагӡатәқәа разырхиара иазку аусуратә гәыԥ аилатәара мҩаԥигеит

15.02.2021

Ахада азинхьчаратә усбарҭақәа русура аиӷьтәразы ауснагӡатәқәа разырхиара иазку аусуратә гәыԥ аилатәара мҩаԥигеит

Аԥсны Аҳәынҭқарра Ахада Аслан Бжьаниа азинхьчаратә усбарҭақәа русура аиӷьтәразы ауснагӡатәқәа разырхиара иазку аусуратә гәыԥ аилатәара мҩаԥигеит.
Аилатәараҿы ирыхәаԥшын аусуратә гәыԥ алахәцәа ражәагалақәа.  

Ахада адҵа  ҟаиҵеит азинхьчаратә иара убас аӡбаратә системақәа  русура аиӷьтәра хықәкыс иҟаҵаны, аус зуа анормативтә-зинтә актқәа аԥсахрақәа ралагаларазы аусура активла иазнеирц,  .
  
   «Сара, аҳәынҭқарра Ахада иаҳасабала, сгәы иаанагоит ари проблема дуны иқәгылоуп ҳәа, убри аҟынтә аус ҭакԥхықәрала ҳазнеироуп. Азинхьчаратә усбарҭақәа русура аиӷьтәразы хымԥада аиҿкааратә, азиндырратә, афинанстә, аидеологиатә уснагӡатәқәа рымҩаԥгара ҳалагароуп. Аԥсны Аҳәынҭқарра Ашьаустә закәанеидкылаҟны иҟоу аус зымуа ахәҭаҷқәа,  аха убри аан урҭ ахәҭаҷқәа рыла имҩаԥсыуа ацәгьоурақәа ыҟоуп.  Нас изаҳҭахуи ҳара аус зымуа ахәҭаҷқәа?  Аҭҵаарадырратә уаажәларра, аспециалистцәа схы рықәкны ааԥхьара ҟасҵоит аредакциа зызу иҿыцу  астатиақәа ҳашәҭа. Иҟалап, аӡәы  игәы   ари анормативтә-зинтә база шьаҭанкыла аиҭахәаԥшра  ауп ҵакыс иамоу ҳәа азиԥхьаӡар. Зегь реиҳа ихадароу – ахәҭаҷқәа аус руроуп, ацәгьоуцәа ирыхәҭоу аҭакԥхықәра радԥхьаларазы.  Ҳҿаԥхьа иӡбатәны иқәгылоу азинхьчаратә усбарҭақәеи аӡбарҭатә еилазаарақәеи русура арманшәалароуп.  Абри аус аганахьала алажәалагалақәа ҟашәҵа»,-иҳәеит Аслан Бжьаниа.

Аилатәа иалахәын  акомиссиа ахантәаҩы, Ашәарҭадара амаҵзура амаӡаныҟәгаҩ Сергеи Шамба, Ахада Иадминистрациа анапхгаҩы ихаҭыԥуаҩ Саида Быҭәԥҳа, аиустициа аминистр Анри Барцыц, Аҳәынҭкарратә шәарҭадара амаҵзура ахантәаҩы Роберт Киут, Апрокурор хада актәи ихаҭыԥуаҩ Дамир Кәыҵниа, атәылахьчареи ашәарҭадареи рзы апарламенттә хеилак ахантәаҩы Илиа Гәыниа,  Иреиҳау аӡбарҭа аӡбаҩ Ада Касланӡиаԥҳа,  ААУ азиндырратә факультет адекан Сергеи Смыр, Амилаҭтә банк ахантәаҩы Беслан Бараҭелиа, Аконтрольтә палата ахантәаҩы Роберт Аршба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org