Аҧсны Аҳәынҭқарра Ахада

 

Ахада Аслан Бжьаниа аиспекциа ицны Аиҵа станциа “Аҟəа-1” агәаҭаразы даҭааит

13.02.2021

Ахада Аслан Бжьаниа аиспекциа ицны Аиҵа станциа “Аҟəа-1” агәаҭаразы даҭааит

Аԥсны Аҳәынҭқарра Ахада Аслан Бжьаниа аиспекциа ицны Аиҵа станциа “Аҟəа-1” агәаҭаразы даҭааит.  

Аҳəынҭқарра Ахада аҧыза-министр, аекономика аминистр Кристина Озган, Ареспублика аунитартə наплакы  “Амшынеиқəафымцамчы” адиректор хада Михаил Логəуа, Шьаҭанкылатәи аргылара аусбарҭа аиҳабы Ҭемыр Агрба злахәыз аинспекциеи иареи иарку аихшарҭатə мыругақәеи анапхгараҭаразы аоперативтə пульти ирыхәаԥшны ирбеит.  

Аспециалистцәа Ахада изеиҭарҳəеит аусурақəа рымҩаҧысшьа атəы. Абҵарамза анҵəамҭа 2020 шықəса рзы ара иҟалаз амцакра иахҟьаны аиҵа станциа зегьы блит-иҿыблааит  арантә ицо афидерқəа16, асекциатəқәа ҩба,  4 алагалартә бларҭақәа ԥшьба.  

Ари аобиект аҟны ҳазҭагылоу аамҭазы аиҭашьақəыргыларатə усурақəа мҩаҧысуеит аинвестициатə программа аҳəаақəа ирҭагӡаны.

Аҳəынҭқарра Ахада хəҭа-хəҭала иҭиҵааит аусурақəа шымҩаҧысуа. Ареспублика аунитартə наплакы  “Амшынеиқəафымцамчы” адиректор  хада Михаил Логəуа Ахада изеиҭеиҳəеит аобиект аусура ишазхиоу, шьаҭанкылатәи аусурақəа рхыркəшарахь ишнеиуа.

Аиҵа станциа “Аҟəа-1”- зегьы иреиҳау станциоуп, Аҟəа ақалақь азбжеиҳара фымцамчыла еиқəнаршəоит.  Ара иԥсаху атехнологиатə мыруга ахə 190 млн. мааҭ артəоит.
Ахада  имҩаҧгоу аусурақəа ибзиоуп ҳəа азиуит, убри аан аусурақəа рыҿҳəара иҭарыгӡарц адҵа  риҭеит.

“Аҭагылазаашьа уадаҩуп. Аха ари апроблема хымԥада иҳаӡбароуп аԥсшьара мшқәа раан аусура шәықәшәаргьы,” – иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org