Аҧсны Аҳәынҭқарра Ахада

 

Ахада изакәанымкәа акриптовалиута арҳаразы афермақәа русура аҿагылара иазкыз аилацәажәара мҩаҧигеит

29.01.2021

Ахада изакәанымкәа акриптовалиута арҳаразы афермақәа русура аҿагылара иазкыз аилацәажәара мҩаҧигеит

Аҧсны Аҳәынҭқарра Ахада Аслан Бжьаниа Ахада ақалақьтәии араионтәи оперативтә штабқәа рхаҭарнакцәа злахәыз изакәанымкәа акриптовалиута арҳаразы афермақәа русура аҿагыларазы аилацәажәара мҩаҧигеит. Аоперштаб иара убас иалалеит АЕА «Амшынеиқәафымцамч», Апрокуратура хада Адәныҟатәи аусқәа рминистрра ахаҭарнакцәа.

Аҳәынҭқарра Ахада мчыбжьык аҩныҵҟала афымцакаҭа аидара 2019 шықәса аҩаӡараҟынӡа, уи 5% ацҵаны илбаагазарц адҵа ҟаиҵеит.  

Аиҧылараан Гагра араион Администрациа  ахада Иури Хагәыш адырра ҟаиҵеит аидара 17,2 мегаватт рҟынӡа аларҟәреи 32 ферма русура аанкылареи рзы.
8 мегаваттк еиҵартәит  афымца ахархәара Гәдоуҭа араион аҟны, иаҿыхуп 37 ферма. Араион Администрациа Ахада ихаҭыҧуаҩ Валери Аҩӡба иҳәеит ари аамҭазы аамҭа-аамҭала алашара арцәара аҭыҧ шамам.  
Очамчыра араион Администрациа ахада Станислав  Амыҷба иажәақәа рыла, араион аҟны иаҿыхуп 43 ферма, аидара ларҟәуп 18,9 мегаватт рҟынӡа.
Аҟәа араон аҟны иаарҧшуп 32 обиект, аидара иагырхоуп 6 мегаватт рҟынӡа.
Константин Ҧлиа иажәақәа рыла, Гал араион аҟны иаанкылоуп афермақәа 4 русура, 13 аппарат ахатәы ҩнқәеи ахатәы дгьыл ҭыҧқәеи рыҟны.
Гәылрыҧшь араион аҟны иаанкылоуп 20 криптоферма русура, аидара ларҟәуп 10,6 мегаватт рҟынӡа.
Тҟәуарчал араион аҟны иаанкылоуп 11 криптоферма, аидара ларҟәуп  5,7 мегаватт рҟынӡа.
Аҟәа ақалақь Ахада Беслан Ешба иҳәеит аҳҭнықалақь аҟны ишаанкылоу 49 криптоферма, аидара ларҟәуп 15,8 мегаватт рҟынӡа.
Аҳәынҭқарра Ахада адҵа ҟаиҵеит изакәанымкәа акриптовалиута арҳаразы афермақәа русура аҿагылара иазку аусура ацҵаразы.

  Аслан Бжьаниа иаҵшьны иҳәеит уажәтәи  аҭагылазаашьа алҵразы иҟоу мҩак ауп – уи  аҭакҧхықәра зду аилазаарақәа ҳәоуеиқәшәарала русура ауп.  
«Ргәырҽанӡамкәа араионқәа рыҟны афермақәа ахьықәгылоу ҭыӡҭыҧцыҧхьаӡа саҭаауеит. Араионқәа радминистрациақәа рхадацәа раҳасабырбеи избои еиқәымшәар, уи алҵшәақәа ҽеихом», - иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org