Аҧсны Аҳәынҭқарра Ахада

 

Аԥсны Жәлар рартист Уасил Царгәыш иԥсҭазаара иалҵра инамаданы адышшылара

29.01.2021


Аԥсны Аҳәынҭқарра Ахада Аслан Бжьаниа Аԥсны Жәлар рартист, Д. Гәлиа ихьӡ зху Аҳәынҭқарратә премиа алауреат, аорден "Ахьӡ-Аԥша" II аҩаӡара занашьоу, акомпозитор, адирижиор, Аԥсны зҽаԥсазтәыз ашәаҳәареи акәашареи рзы аҳәынҭқарратә ансамбль ԥасатәи асахьаркыратә напхгаҩы, Уасил Михаил-иԥа Царгәыш иԥсҭазаара иалҵра инамаданы иуацәеи иҭынхацәеи рыхьӡала адышшылара ҟаиҵеит:

«Уасил Михаил-иԥа Царгәыш ибаҩхатәра дуи ипрофессионализми ирылҵшәаны иҭынхеит Аԥсуа музыкатә ҟазара иалаигалаз иреиӷьыз акәашаратәи ашәаҳәаратәи традициақәа. Аиашазы, ахә ашьара уадаҩуп У. М. Царгәыш аԥсуа культура аҿиараҟны илшамҭақәа, уи аԥхьатәи абиԥарақәа рзы ҭынха дууп. Уасил Царгәыш еиԥш аҟаза ду иԥсҭазаара иалҵра цәыӡ дуп Аԥсуа культура зегьы азы.

Гәалсра дула срыдышшылоит У.М. Царгәыш иуацәеи иҭынхацәеи".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org