Аҧсны Аҳәынҭқарра Ахада

 

«Азинхьчаратә усбарҭақәа рыҟны акадртә ԥсахрақәа ҟалоит»

28.01.2021

  «Азинхьчаратә усбарҭақәа рыҟны акадртә ԥсахрақәа ҟалоит»


Аԥсны Аҳәынҭқарра Ахада Аслан Бжьаниа ажьырныҳәамза 27 рзы Аԥснытәи аҳәынҭқарратә телехәаԥшра иаиҭаз аинтервиу аҟны ишьҭыхын азинхьчаратә усбарҭақәа русура азҵаарагьы.  
    .
Аҳәынҭқарра Ахада иазгәеиҭеит атәыла ауааԥсыра рцәа иҭазырӡыӡаз ашьаустә усқәа иахьагьы ишаркым.

«Азинхьчаратә усбарҭақәа рыҟны имҩаԥысуа сгәы арҭынчуам. Ара аҭагылазаашьа ԥсахтәуп, уи ҟамлар, акадртә еиҭакрақәа мҩаԥгатәхоит.
Атәыла анапхгара азинхьчаратә еилазаарақәа рыҟны комплексла аиҭашьақәыргыларақәа амҩаԥгара азԥхьагәарҭоит. Ҳара амилициаҟны ауалафахәы шьҭаҳхит 80% рҟынӡа. Аматериалтә-техникатә еиқәыршәара мҩаԥысуеит, 50 цыра иҷыдоу атранспорт аагоуп мызқәак рыҩныҵҟала. Абарҭ аусқәа рыҟны Москва аиҳабыра ҳацхраауеит. Џьоукы ари зегьы акыр ҳадхалазшәа ргәы иабоит, аха ҳара ари шьаҭанкыла ҳазнеиуеит. Ас еиԥш иҟоу ареформақәа азинхьчаратә еилазаарақәа русураҟны ииашоу ахырхарҭақәа рнаҭароуп», - иазгәеиҭеит Аслан Бжьаниа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org