Аҧсны Аҳәынҭқарра Ахада

 

Лидиа Платон-иԥҳа Ҷкадуа лыԥсҭазаара лалҵра инамаданы адышшылара

27.01.2021

Аԥсны Аҳәынҭқарра Ахада Аслан Бжьаниа еицырдыруа аҵарауаҩ, абызшәадырҩы Лидиа Платон-иԥҳа Ҷкадуа лыԥсҭазаара лалҵра инамаданы лыуацәеи лҭынхацәеи рыхьӡала адышшылара ҟаиҵеит.

«Гәалсра дула срыдышшылоит зыҧсҭазаара иалҵыз еицырдыруа аҵарауаҩ, афилологиатә ҭцаарадыррақәа рдоктор, “Ахьӡ-Аҧша” аорден аҩбатәи аҩаӡара занашьоу Лидиа Платон-иҧҳа Ҷкадуа лҭынхацәа.

Лидиа Платон-иҧҳа лыҧсҭазаара зегь азкын аҧсуа-абаза бызшәақәа рыҭҵаара. Ахә ашьара уадаҩуп аҧсуа бызшәа асинтаксис, ажәахырҿиаара, алитературатә бызшәа ашьақәгылашьа уҳәа  рыҭҵааразы ирымоу аҵак ду аҵарауаҩ лнапы иҵылхыз хыҧхьаӡара рацәала анаукатә усумҭақәа, арҵага шәҟәқәа.

Аҵарауаҩ ду лыҧсҭазаара лалҵра аҧсуа ҭҵаарадырразы цәыӡ дууп.

Лидиа Платон-иҧҳа Ҷкадуа, арҵаҩ ду, ауаҩы гәыраз лгәалашәара лаша  дыздыруаз зегьы ргәаҿы наунагӡа иаанхоит».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org