Аҧсны Аҳәынҭқарра Ахада

 

Ахада Тамшь ақыҭан атуристтә обиект ду аргылара ахьхацырку аҭыԥ даҭааит

16.01.2021

Ахада Тамшь ақыҭан атуристтә обиект ду аргылара ахьхацырку аҭыԥ даҭааит

Аԥсны Аҳәынҭқарра Ахада Аслан Бжьаниа Тамшь ақыҭан  атуристтә обиект ду аргылара ахьхацырку аҭыԥ даҭааит.

Аҳәынҭқарра Ахада дицын Аԥыза-министр аамҭала инапынҵақәа назыгӡо Владимир Делба, Ахада Иадминистрациа Анапхгаҩы ихаҭыԥуаҩ Џьансыхә Нанба.

Аргыларатә ҭыԥ ахь Ахада дицны дааит урыстәылатәи атуристтә еилахәырақәа ируаку «Библио-Глобус» аԥшәма Александр Туголуков. Иара аԥшәымара ззиуа аилахәыра ауп аобиект аинвестициа азоузыжьуагьы.

Аханатә ари адгьылҵакыраҟны иргылахоит 150 коттеџь, урҭ шьақәгылоит аӡәы инаиркны хҩык рҟынӡа рынхара алзыршо асасааирҭатә уадақәа ҩба.
Аобиект аԥҵахоит атуристцәа алшықәсанык рыԥсшьара аиҿкааразы зыда ԥсыхәа ыҟам аинфраструктура ацҵаны. Ара иҟалоит: аспорттә комплекс, ахәыҷқәа рзы ашҭа хәыҷы, адуқәеи ахәыҷқәеи рзы ӡынгьы ԥхынгьы ӡырԥхала еиқәыршәоу аӡҭачқәа.

Следует отметить, что цех по сбору коттеджей для туристического объекта открыт также в Тамыше. Уже на стадии подготовительных работ были обеспечены работой около 50 человек, в основном жители Тамыша и близлежащих сел. Сейчас уже приступают к активным строительным работам и количество рабочих мест будет в разы увеличено. Заработная плата от 30 тысяч рублей.

Ара «Библио-Глобус» иазԥхьагәанаҭоит аԥсшьаҩцәа рыԥсшьара аамҭазы аконцерттә программақәа реиҿкаара иадҳәалоу апроект ҿыц анагӡара. Атуристтә комплекс аҵакырадгьыли аиҿкаара бзиа зауа амшын аҿықәи аартхоит аҭааҩцәа рзы. Аԥсшьаҩцәа ршәарҭадара азҵаара еиҿкаахоит ҳаамҭа иақәшәо амыругақәа рхархәарала. Аобиект аргылареи аиҿкаареи ахыркәшара аамҭа кьаҿла - фба-быжьба мзы рыла иалыршахароуп.

Иазгәаҭатәуп, акоттеџьқәа реиқәыршәаразы ацех шаарту  иара Тамшь ақыҭан. Азыҟаҵаратә усқәа рыламҭалазы усурҭатә ҭыԥла еиқәыршәоуп 50-ҩык рҟынӡа, еиҳарак Тамшь ақыҭеи, ааигәа-сигәа иҟоу ақыҭақәеи рҿы инхо ауааԥсыра. Ҳазҭагылоу аамҭазы гәацԥыҳәарала аргыларатә усурақәа нап дыркуп, аԥхьаҟа аусурҭатә ҭыԥқәа ракәзар акырынтә еиҳахоит. Ауалафахәы 30 нызқь мааҭ инадыркны ишьақәыргылоуп.

Ахада ажурналистцәа аниҿцәажәоз иазгәеиҭеит, ари аҩыза аобиект аргылара ду аҵакы ӷәӷәа шамоу Тамшь ақыҭазы еиԥш, Аԥсны зегьы азы:

«Аԥсназы иааидкыланы ари апроект акырӡа аҵанакуеит. Мрагыларатәи Аԥсны ас еиԥш аҭыԥ рацәа змоу даҽа обиектк ыҟаӡам. Убри аҟынтә ари акомплекс ҳгәыӷра дуқәа адаҳҳәалоит.
Сара насыԥ сымоуп, сқыҭауааи егьырҭ ақыҭақәа рхаҭарнакцәеи аусурҭақәа ахьроуз, аԥара дырҳартә иахьыҟалаз.  Сара хымԥада агәра згоит ақыҭақәа рахь ауаа шыхынҳәуа, аԥсҭазаара аилашра ишалаго, ашколқәа рыҟны аҵаҩцәа рхыԥхьаӡара ишазҳауа, абри азы сара иҭабуп ҳәа иасҳәоит ҳаҭыр зқәу Туголуков. Хымԥада, ҳарҭ аҭагылазаашьа бзиа  аԥаҳҵалоит аинвестор Аԥсны аҭагылазаашьа бзиа изаԥҵаразы. Аинвесторцәа зегьы ирылаҵәоит ари. Зымҽхак ҭбаау аинвестпроектқәа сара схаҭа хылаԥшра рысҭалоит. Аҭыԥқәа рахь сцалоит, аинвесторцәа срыцхраалоит, избанзар аинвестициақәа рыда ԥсыхәа ҳамаӡам, иагьҳауӡом».

Аилахәыра «Библио-Глобус» аԥшәма Александр Туголуков аобиект дахцәажәо иҳәеит:

«Ҳара Аԥсны ашықәс зегьы аус зуа атуристтә обиектқәа цәырҵлар ҳҭахуп. Ашықәсан аԥсшьара иазку аобиект аартразы сара Аԥсны Ахада Аслан Гьаргь-иԥа Бжьаниа сиацәажәеит. Уи адгылара сиҭеит. Раԥхьаӡакәны аинвестори аҳәынҭқарреи рыбжьара аусеицура абжьаҵара алыршахеит. Ҳара иаҳбеит аҳәынҭқарра аинвестициа адԥхьалара, атуристцәа Аԥсныҟа раара аизырҳара ишашьҭоу. Ҳусеицура маншәалоуп. Ари аобиект аҟны мацара ҳаангылом, аԥхьаҟагьы Аԥсны ҳусура арҿиара алыршахоит ҳәа сгәы иаанагоит».



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org