Аҧсны Аҳәынҭқарра Ахада

 

Ахада Ашықәс ҿыц аламҭалазы Аԥсны жәлар рахь ааԥхьара ҟаиҵеит

31.12.2020

Ахада Ашықәс ҿыц аламҭалазы Аԥсны жәлар рахь ааԥхьара ҟаиҵеит

Аԥсны Аҳәынҭқарра Ахада Аслан Бжьаниа Ашықәс ҿыц аламҭалазы Аԥсны жәлар рахь ааԥхьара ҟаиҵеит.

Ааԥхьараҟны иҳәоуп:

«Ҳаҭыр зқәу Аҧсны жәлар!

        Минуҭқәак рышьҭахь ҳҭалоит Ашықәс ҿыц. Уи хәыҷи дуи лымкаала бзиа ирбо ныҳәоуп. Иара иацуп агәыҕра, агәрагара, агәалаҟазаара бзиа.

        Ииасуа ашықәс мариамызт адунеи атәылақәа зегьы рзы. Уи иаанагеит ҳаззыҧшымыз ауадаҩра. Иҿыцны ицәырҵыз ачымазара иаҧсахит ҳзышьцылаз аҧсҭазаара. Иҳармаҷыр акәхеит ҳаиҭанаиааира, ҳаимадарақәа. Уи аҧхасҭа ду анаҭеит аекономика. Иара аныҳәагьы уаанӡеиҧш инарҭбаанs иазгәаҳҭартә алшара ҳамам.

Ҳаҭыр зқәу сыуаажәлар, сшәыҳәоит аныҳәамшқәа рзы шәхы шәеиҷаҳарц, аҳақьымцәа иҳабжьырго шәазхәыцырц.

Лымкаала срыдныҳәалоит уаха аныҳәа зусураҿы иаҧыло, ҳауаажәлар ргәабзиара зыхьчо аҳақьымцәа. Иҭабуп ҳәа расҳәоит рџьабаазы.

        Иҭабуп ҳәа расҳәоит аамҭа шымариамызгьы, зхы мшаҭакәа аҳәынҭқарра амаҵ азызуаз зегьы. Ҳымҧада, ҳариааиуеит ауадаҩрақәа, аамҭа бзиақәа ҳаҧхьаҟа ишьҭоуп.
        Аҩызцәа, Ашықәс ҿыц аныҳәа иамоуп аҟазшьа ҷыда. Уи лымкаала иацуп аҧхарра, агәбылра.

        Ишәзеиҕьасшьоит агәабзиара, аманшәалара, ҩнаҭацыҧхьаӡа абзиабара, аизҳара. Аҧсны ҧшӡа наунагӡа иагымзааит аҭынчра!»


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org