Аҧсны Аҳәынҭқарра Ахада

 

Михаил Мишустин Аслан Бжьаниа Ашықәс ҿыци Қьырса ныҳәеи идиныҳәалеит

30.12.2020

Михаил Мишустин Аслан Бжьаниа Ашықәс ҿыци Қьырса ныҳәеи идиныҳәалеит

Урыстәылатәи Афедерациа Аԥыза-министр Михаил Мишустин Аԥсны Аҳәынҭқарра Ахада Аслан Бжьаниа Ашықәс ҿыци Қьырса ныҳәеи идиныҳәалеит.
Адныҳәаларатә цҳамҭаҟны иҳәоуп:  

«Ҳаҭыр зқәу Аслан Гьаргь-иԥа,

Гәык-ԥсыкала ишәыдысныҳәалоит иааиуа Ашықәс ҿыци Қьырса ныҳәа лашеи.  

Иҳаҩсуа ашықәс азы аидгылареи астратегиатә усеицуреи шьаҭас измоу Урыстәылеи Аԥсни реизыҟазаашьақәа лыҵшәа бзиала аҿиара иаҿын.
Аԥсҭазаара алаҵәара иаҿын ареспублика асоциалтә-еккономатә ҿиара иазкыз азԥхьагәаҭақәа мҽхакы ҭбаала.

Сгәы иаанагоит, аринахысгьы ганрацәала аусеицура иҵегьы аҽарҭбаауеит ҳәа ԥеиԥш бзиа змоу аԥшьгара ҿыцқәа ралагаларазы аҭагылазаашьа бзиақәа раԥҵарала.
Ари, хымԥада, Урыстәылатәи Афедерациеи Аԥсны Аҳәынҭқарреи рыҿиара иацхраауеит.  
        
    Ҳаҭыр зқәу Аслан Гьаргь-иԥа, ишәзеиӷьасшьоит агәабзиара, анасыԥ, аихьӡарақәа, Аԥсны жәлар зегьы – аҭынчреи аизҳазыӷьареи».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org