Аҧсны Аҳәынҭқарра Ахада

 

Аслан бжьаниа Владимир Путин Ашықәс ҿыци Қьырса ныҳәа лашеи идиныҳәалеит

30.12.2020

Аслан бжьаниа Владимир Путин Ашықәс ҿыци Қьырса ныҳәа лашеи идиныҳәалеит

Аԥсны Аҳәынҭқарра Ахада Аслан Бжьаниа Урыстәылатәи Афедерациа Ахада Владимир Путин Ашықәс ҿыци Қьырса ныҳәеи идиныҳәалеит.
Адныҳәаларатә цҳамҭаҟны иҳәоуп:  

«Ҳаҭыр зқәу Владимир Владимир-иԥа!

        Урыстәылатәи Афедерациа атәылауаа зегьы, хаҭала Шәара ишәыдысныҳәалоит иааиуа Ашықәс ҿыци Қьырса ныҳәа лашеи!
    Ҳазҭысуа 2020 –тәи ашықәс уадаҩын ҳтәылақәа рзеиԥш адунеи зегьы азгьы. Пандемиа иахҟьаны иҟаз аҭагылазаашьа шымариамызгьы, Аԥсны Аҳәынҭқарреи Урыстәылатәи Афедерациеи ахырхарҭақәа жәпакы рыла активла аусеицура мҩаԥыргон.

Абҵарамза 12 рзы имҩаԥысыз Шәареи сареи ҳаиԥылара Аԥсни Урыстәылеи рыбжьара традициала ишьақәгылаз аиҩызаратә еизыҟазаашьақәа рзы еиҳагьы агәрагара арӷәӷәеит.    

Агәра жәгар сҭахуп Аԥсны анапхгара ирылшо зегьы шыҟарҵо аиҿцәажәарақәа раан иалыршаз ҩ-ганктәи аиқәшаҳаҭрақәа рынагӡаразы.

   Ҳаҭыр зқәу Владимир Владимир-иԥа, азин сышәҭозар ишәзеиӷьасшьар сҭахуп агәабзиара, анасыԥ, аихьӡарақәа, Урыстәыла ажәлар зегьы – аҭынчра, ахирра, аизҳазыӷьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org