Аҧсны Аҳәынҭқарра Ахада

 

Ахада Аҧсны Абыргцәа рхеилак ахантәаҩы Думаа А. Н. Иирамш идиныҳәалеит

21.12.2020

Аҧсны Аҳәынҭқарра Ахада Аслан Бжьаниа  Аҧсны Абыргцәа рхеилак ахантәаҩы Думаа А. Н. Иирамш идиныҳәалеит:

“Ҳаҭыр зқәу Аполлон Нестор-иҧа!

Гәык-ҧсыкала ишәыдысныҳәалоит шәира амш.

Шәара напхгара ашәҭоит Аҧсуа ҳәынҭқарраҿы аҵак ду  змоу ауаажәларратә еиҿкаара - Абыргцәа рхеилак. Жәытә-натә аахыс аҧсуа жәлар ҳаҭыр рзақәын абырг ҟәыҕа иажәа. Уи  иамаз амч иаӡбон аимакқәа, еиннаршәон аиҕара зыбжьаз.

Иахьа Аҧсны – азакәан ҧыжәара ахьамоу зинтә ҳәынҭқарроуп.  Убри инаваргыланы ҳауаажәлар рыҩныҵҟа аҳәоуеиқәшәара, аихаҵгылара, аизыӡырҩра еснагь иҟазарц азы  аҵак ду шамац иамоуп ҳбыргцәа бзиақәа шәажәа.  

Аполлон Нестор-иҧа, ишәзеиҕьысшьоит ҭаацәаныла агәабзиара, ақәранҵыра ду, анасыҧ”.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org