Аҧсны Аҳәынҭқарра Ахада

 

Ахада Аҧсны Аҳәынҭқарра ашәарҭадара амаҵзура хаҭалатәи аилазаареи аветеранцәеи рзанааҭтә ныҳәа рыдиныҳәалеит

20.12.2020

Ахада Аҧсны Аҳәынҭқарра ашәарҭадара амаҵзура хаҭалатәи аилазаареи аветеранцәеи рзанааҭтә ныҳәа рыдиныҳәалеит

Аҧсны Аҳәынҭқарра Ахада Аслан Бжьаниа Аҧсны Аҳәынҭқарра ашәарҭадара амаҵзура хаҭалатәи аилазаареи аветеранцәеи рзанааҭтә ныҳәа рыдиныҳәалеит:

“Аҩызцәа аофицерцәа!

   Аҳәынҭқарратә шәарҭадара аусбарҭақәа рыҟны иахьа аус зуа, аветеранцәа!

Ишәыдысныҳәалоит шәзанааҭтә ныҳәа. Шәара есҽны аҳәынҭқарра аинтересқәа, атәылауаа закәанла ирзыҧҵәоу рзинқәа рыхьчара иазку ауснагӡатәқәа рынагӡара шәаҿуп, амилаҭтә шәарҭадара аҿагыларазы аҧхьа игылоу шәреиуоуп.

Амаҵзуратә хыдҵақәа рынагӡара иаҭахуп шәара иаашәырҧшуа агәаҕьра, агәымшәара, ахамеигӡара, лассы-лассы урҭ аҧсҭазаареи агәабзиареи рзы ашәарҭара рыцуп.
Ҳазҭагылоу аамҭа ишәыднаҵоит амилаҭтә шәарҭадара ахьчаразы иҿыцу, аҧхьагылара змоу аметодқәа рхархәара. Агәра згоит хьыӡла-ҧшала шәнапы иану аусқәа рынагӡара шшәылшо. Атәыла анапхгара иалшо зегьы ҟанаҵоит Аҳәынҭқарратә шәарҭадара амаҵзура материалтә-техникатә база аиҕьтәразы.

Сазгәдуны исҳәар сылшоит сара ахьӡ-аҧша аҧсҭазаара ҵакыс иахьамоу ари аиҿкаара аусура салахәын ҳәа.
Шәзанааҭтә ныҳәа аҽны аҳәынҭқарратә шәарҭадара аусбарҭа хаҭалатәи аилазаара, аветеранцәа ирзеиҕьасшьоит агәабзиара, агәамч, аихьӡара ҿыцқәа”.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org