Аҧсны Аҳәынҭқарра Ахада

 

Ахада Москва Аԥсуа диаспора ахаҭарнакцәа дырԥылеит

15.12.2020

Ахада Москва Аԥсуа диаспора ахаҭарнакцәа дырԥылеит

Урыстәыла аҳҭнықалақь ахь иусуратә ныҟәарақәа раан Аԥсны Аҳәынҭқарра Ахада Аслан Бжьаниа Москватәи аԥсуа диаспора ахаҭарнакцәа. дырԥылеит
Аиԥылара далахәын Урыстәыла иҟоу Аԥсны Ацҳаражәҳәаҩ Игор Ахба.

Аҳәынҭқарра Ахада дырзааҭгылеит Урыстәылатәи Афедерациа аиҳабыреи Ахада иусбарҭаҿы излацәажәаз азҵаарақәа.

Аслан Бжьаниа Москватәи адиаспора иҭабуп ҳәа реиҳәеит коронавирус аамҭазы иҟарҵаз ацхырааразы, иара убас ирзеиҭеиҳәеит аԥхьаҟа ари ачымазараҿкы иаҿагыланы ақәԥаразы гәҭакқәас ирымоу.

Коронавирусттә ҿкы Ковид-19 аҭагылазаашьа еиҳа ианыуадаҩыз аамҭазы иҟарҵаз  агәыҳалалратә медицинатә цхыраареи уи Аԥсныҟа анашьҭреи рзы Аҳәынҭқарра Ахада аџьшьара риҭеит Москватәи аԥсуа диаспора  Аԥсны ачымазараҿкы иаҿагыланы ақәԥаразы аоперативтә штаб активла зхы лазырхәыз; Саид Агрба, Гета Арӡынба, Даур Барганџьиа, Инна Барчан, Аинар Ласариа, Нара Папба, Викториа  Ҭарба, Богдан Шьакаиа.  

Аиԥылараҿы ирзааҭгылан егьырҭ азҵаарақәагьы, ҷыдала, афымцамчы аҭагылазаашьа,  иуадаҩу  ари азҵаара алҵразы мҩақәас иҟоу.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org