Аҧсны Аҳәынҭқарра Ахада

 

Аслан Бжьаниа Б.Х. Бгажноков иҭаацәа дрыдышшылеит

09.12.2020

Аҧсны Аҳәынҭқарра Ахада Аслан Бжьаниа еицырдыруа аҵарауаҩ, аҭоурыхтә ҭҵаарадыррақәа рдоктор, Ҟабарда-Балҟариатәи агуманитартә ҭҵаарақәа ринститут иналукааша аҭҵаарадырратә усзуҩы, “Ахьӡ-Аҧша” аорден II аҩаӡара занашьоу, Аҧсны ҩызара азызуаз Барасби Хачим-иҧа Бгажноков иҧсҭазаара иалҵра инамаданы иҭаацәа дрыдышшылеит.

Адышшыларатә цҳамҭаҟны иҳәоуп:

“Гәалсрала сшәыдышшылоит  Барасби Хачим иҧсҭазаара иалҵра инамаданы. Ари цәыӡ дууп иара иҭынхацәа рзеиҧш адыга жәлар зегьи аҧсуа жәлари рызгьы.
Барасби Хачим илагаламҭа дууп адыгақәа рҭоурых, ркультура, рҵасқәа рыҭҵаараҟны, аиашьара зыбжьоу аҧсуа жәлари адыга жәлари ганрацәалатәи реимадарақәа рырҕәҕәараҟны.

Аҧсны жәлар ирхашҭраны иҟаӡам Аҧсны Аџьынџьтәылатә еибашьраҟны Аҧсны ацхыраараҟны илшамҭақәа. Уи есқьынгьы афырхаҵареи, ахьӡ-аҧшеи, ахамеигӡареи дырҿырҧшыганы дыҟазаауеит".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org