Аҧсны Аҳәынҭқарра Ахада

 

Ахада Аԥсны иҟоу УА Афедералтә шәарҭадара амаҵзура Аофициалтә хаҭарнак ҿыц дидикылеит

07.12.2020

Ахада Аԥсны иҟоу УА Афедералтә шәарҭадара амаҵзура Аофициалтә хаҭарнак ҿыц дидикылеит

Аԥсны Аҳәынҭқарра Ахада Аслан Бжьаниа дидикылеит Аԥсны иҟоу УА Афедералтә шәарҭадара амаҵзура Аофициалтә хаҭарнак   аполковник Алеқсандр Опарин иусура ахыркәшара инамаданы, иара убас ари амаҵзураҟны уи дзыԥсахыз аполковник Александр Соболь.

Аҳәынҭқарра Ахада Алеқсандр Опарин иҭабуп ҳәа еиҳәеит Аԥсны Аҳәынҭқарра ашәарҭадара алыршараҟны илагаламҭазы.

  «Имҩаԥаҳго аусура иарбанзаалак иамоуп алагамҭеи анҵәамҭеи.   Алеқсандр Владимир-иԥа, сгәы иаанагоит шәнапы ианыз аус анагӡара шәылшеит ҳәа. Шәҭагылазаашьа аныуадаҩызгьы ыҟан. Иҭабуп ҳәа шәасҳәар сҭахуп. Сасык иаҳасабала бзиала шәаабеит ҳәа шәаҳҳәоит есқьынгьы Аԥсны, ареспубликаҟны ашәарҭадара ашьақәыргылараҟны шәара шәлагаламҭа ҳхашҭӡом»,- иҳәеит Ахада.

Аслан Бжьаниа Александр Опарин аԥсуа милаҭтә хҭарԥа ҳамҭас ииҭеит.
  
Ахада Аԥсны иҟоу УА Афедералтә шәарҭадара амаҵзура Аофициалтә хаҭарнак ҿыц  Алеқсандр Соболь изеиӷьеишьеит иусураҿы аихьӡарақәа.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org