Аҧсны Аҳәынҭқарра Ахада

 

Ахада зыԥсҭазаара иалҵыз Вахтанг Возба иҭаацәа дрыдышшылеит

04.12.2020

Аҧсны Аҳәынҭқарра Ахада Аслан Бжьаниа  зыҧсҭазаара иалҵыз Аҧсны жәлар рартист Вахтанг Возба иҭаацәа дрыдышшылеит.

Адышшыларатә шәҟәаҿы иаҳәоит:

"Гәалсра дула срыдышшылоит  зыҧсҭазаара иалҵыз Аҧсны жәлар рартист Вахтанг Возба иҭаацәа.

Аҟаза ду иҧхара цәыӡ дууп ҳмилаҭтә культуразы.

Вахтанг Иасыф-иҧа  асценаҿы иман даҽакы иаламҩашьоз  иҷыдоу ихатә хаҿсахьа, ихатә цәаҩа, иҟазара иацын аамысҭашәара. Уи хореографк иаҳасабала иаҧиҵоз ақәгыларақәа лагаламҭа дуны иҟалеит аҧсуа кәашара аҿиараҟны.

Вахтанг Возба инапы алакын аҿар рааӡара. Иара ибзоураны шәҩыла ахәыҷқәа ишьҭырхит ахаан азы ирылаиаӡааз амилаҭ кәашара абзиабара.

Иҟазара ҳараки, иуаҩреи, иламыси ирыбзоураны игәалашәара лаша рзынижьит дыззааҧсоз аҧсуа жәлар.

Иԥсаҭа бзиахааит!"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org