Аҧсны Аҳәынҭқарра Ахада

 

Ахада Аҧсны жәлар Аконституциа амш рыдиныҳәалеит

26.11.2020

 Ахада Аҧсны жәлар Аконституциа амш рыдиныҳәалеит

Аҧсны Аҳәынҭқарра Ахада Аслан Бжьаниа Аҧсны жәлар ирыдиныҳәалеит Аконституциа Амш.

Адынҳәалараҿы иазгәаҭоуп:

Ҳаҭыр зқәу ажәлар!
Гәык-ҧсык ала ишәыдысныҳәалоит  иахьатәи аныҳәа ду-Аҧсны Аҳәынҭқарра Аконституциа амш!  
Абҵара мза 26 1994 шықәса рзы Иреиҳаӡоу Асовет иаднакылаз Азакуан хада ишьақәнарҕәҕәеит ҳажәлар ззықәҧоз, зықьҩыла Аҧсадгьыл аҵеицәа рхы зқәырҵаз Аҧсуа ҳәынҭқарра ашьақәгылара.  Уи инақәыршәаны Аҧсны ихьыҧшыму, адемократиатә ҿиара змоу ҳәынҭқарроуп.  Атәылауаҩ ихақәиҭреи изинқәа рыхьчареи аҧыжәара рымоуп.  Аконституиа ақәныҟәара, уи ишьақәнаргыло аҧҟарақәа аҳәынҭқарра аҧсҭазаараҿы аҧхьагылара рыҭара ҳуалуп Аҧсны жәлар зегьы.  
Аҧсҭазаара ҧхьаҟа ицоит, аҭагылазаашьа аҽаҧсахуеит, аамҭа ҳҿаҧхьа иқәнаргылоит адҵа ҿыцқәа. Убри ауп хықәкы хадас иамоу Аконституциа аҧсахрақәа ралагаларазы иаҧҵоу аҳәынҭқарратә комиссиа.  Ихадоу ари аус аҟны аццакра ҟамлароуп. Агәра ганы сыҟоуп ҳаиқәшаҳаҭны иҳадаҳкыло аиҭакрақәа  Аҧсны Аҳәынҭқарра ахьыҧшымра арҕәҕәара, ҧхьаҟа ацара ишрызкхо.
Иҟалааит наунагӡа аҭынчра, аизыразра, аизҳара!
Аслан Бжьаниа,
Аҧсны Аҳәынҭқарра Ахада



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org