Аҧсны Аҳәынҭқарра Ахада

 

Ахада Женеватәи адискуссиақәа реицхантәаҩцәа идикылеит

25.11.2020

Ахада Женеватәи адискуссиақәа реицхантәаҩцәа идикылеит

   Аԥсны Аҳәынҭқарра Ахада Аслан Бжьаниа Нхыҵ Кавказ ашәарҭадареи аҭышәынтәалареи рзы Женеватәи адискуссиақәа реицхантәаҩцәа
Џьихан Сулҭан-оӷлу (ЕАР), Таиво Клаар(ЕА), Рудольф Михалк (ОБСЕ) идикылеит.

Адипломатцәа рвизит мҩаԥысуеит изаамҭанытәиу Женеватәи адискуссиақәа рраунд азырхиара аҳәаақәа ирҭагӡаны. Урҭ рымҩаԥагара азԥхьагәаҭоуп ԥхынҷкәынмза 10-11  рзы.

Асасцәа аԥсшәа раҳәо, Ахада иҳәеит имҩаԥысраны иҟоу  Женеватәи адискуссиақәа рраунд амаҭәартә ҟазшьа аманы имҩаԥысып ҳәа агәыӷра шимоу, Аԥсни иаадкыланы нхыҵкавказтәи арегион аҟни аҭынчра арӷәӷәра ишацхраауа азы.  

Аҳәынҭқарра Ахада иазгәеиҭеит Ҟарабах имҩаԥысуаз ахҭысқәа зегьы еиҳа агәҽанызаареи аҭакԥхықәреи шҳадырҵо.
  
«Ҳара ҳҳәынҭқарра аргылареи арҿиареи ҳашьҭоуп, ҳадгьыл аҟны аҭынчра ыҟазар ҳҭахуп, абри аганахьала адгылара ҳашәҭап ҳәа сгәы иаанагоит, насгьы Женеватәи адискуссиақәа Аԥсни уи акәша-мыкәшеи ҿҳәара дула аҭынчра алыршаразы мыруга бзиахоит ҳәа», - иҳәеит Аԥсны Ахада.

Аиԥылараҟны ирылацәажәан имҩаԥысраны иҟоу Женеватәи адискуссиақәа рраунд еиԥш, короновирустә ҿкы алаҵәара инамаданы иҟоу аҭагылазаашьеи уи аҿагылареи ртәы.

Аиԥылара далахәын Аԥсны Аҳәынҭқарра Адәныҟатәи аусқәа рминистр Даур Ақаҩба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org