Аҧсны Аҳәынҭқарра Ахада

 

Ахада Урысавиациа анапхгаҩы ихаҭыԥуаҩ дидикылеит

18.11.2020

Ахада Урысавиациа анапхгаҩы ихаҭыԥуаҩ дидикылеит

Аԥсны Аҳәынҭқарра Ахада Аслан Бжьаниа Урыстәыла аҳаиртә транспорт афедералтә усбарҭа (Урысавиациа) анапхгаҩы ихаҭыԥуаҩ Олег Сторчевои дидикылеит.

Аԥсни Урыстәылеи рҳәынҭқаррақәа рхадацәа Аслан Бжьаниеи Владимир Путини реиԥылара алҵшәақәа рылеи абҵарамза 12 рзы Шәача иалыршаз аиқәшаҳаҭрақәа рынагӡаразы аԥхьаҟатәи ашьаҿақәа разгәаҭареи рзы Аҟәаҟа иааит Урысавиациа аделегациа ҳазҭагылоу аамҭазы Аҟәатәи аҳаиртә баӷәаза аҭагылазаашьа аҭҵаарази шьаҭанкылатәи арҿыцреи аус аруреи рзы аԥхьатәи ашьаҿақәа разгәаҭареи хықәкыс иҟаҵаны.  

Аҳәынҭқарра Ахада иазгәеиҭеит 1992-1993 шш. Аԥсны Аџьынџьтәылатә еибашьра ашьҭахь зусура аангылаз Аҟәатәи аҳаиртә баӷәаза аусура аларгара атема аԥхьа игылоу аҳәынҭқарратә уснагӡатәқәа рхыԥхьаӡараҟны ишыҟоу. Ари апроблема агьыуадаҩуп ганрацәалагьы еилоуп, -  иҳәеит А. Бжьаниа.

«Уи ахьыӡбам иахҟаьны Аԥсны аекономика ацәыӡ дуқәа амоуп, аҿиара иаԥынгылоуп, ҳҳәынҭқарра аҳаҭыр анырра бааԥс анаҭоит. Аҟәатәи аҳаиртә баӷәаза ахархәара аԥеиԥш бзиа азҭо аҟазшьақәа амоуп. Ҳгәы иаанагоит Шәара шәыцхыраарала ари азҵаара аӡбара алыршахоит ҳәа. Уи ҳара ҳзы акраҵанакуеит. Ари економикатәӡам, еиҳаракгьы политикатә проектуп. Уи анагӡара Алада Кавказ аҟны аус бзиақәа рынагӡара иасимволхоит »,- иҳәеит аҳәынҭқарра ахада.

Урысавиациа аделегациа Аслан Бжьаниа иҭабуп ҳәа еиҳәеит аиԥыларазы. «Ииашаны ишазгәашәҭаз еиԥш, - зегьы ҟаҵатәуп аамҭа бзиақәа аныҟаз ари абаӷәазаҟны иҟаз амҩангара амҽхакқәа рырхынҳәразы», - иҳәеит Олег Сторчевои.

Аиԥылараҟны инарҭбааны хәҭа-хәҭала ари апроект анагӡара иадҳәалоу азҵаарақәа ирылацәажәеит.  

Аиԥылара иалахәын Ахада Иадминистрациа Анапхгаҩы Алхас Кәыҵниа, Ахада Иадминистрациа Анапхгаҩы ихаҭыԥуаҩ Џьансыхә Нанба, аиҳабыра рнапхгаҩы ихаҭыԥуаҩ, аекономика аминистр Кристина Озган, В.Г. Арӡынба ихьӡ зху  АУН «Жәларбжьаратәи аҳаиртә баӷәаза «Аҟәа» адиректор Виачеслав Ешба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org