Аҧсны Аҳәынҭқарра Ахада

 

Ахада Аԥсны АИХ рзы апресс-конференциа мҩаԥигеит

17.11.2020

Ахада Аԥсны АИХ рзы апресс-конференциа мҩаԥигеит

Аԥсны Аҳәынҭқарра Ахада  Аслан Бжьаниа АИХ рзы апресс-конференциа мҩаԥигеит.

Аҳәынҭқарра Ахада иҵарны иқәгылоу азҵаарақәа рҭакқәа ҟаиҵеит, инарҭбааны далацәажәеит Урыстәыла Ахада Владимир Путини иареи реиԥылареи аиҿцәажәара аихшьалақәеи ртәы.  

«Ҳара, шамахамзар, Аԥсны ҳгәы иҵхо аԥсны-урыстәылатәи аизыҟазаашьақәа ирызку азҵаарақәа зегьы ҳрылацәажәеит. УА Ахада зҽлымҳара сыҭаны дысзыӡырҩит, ишызбоз изыхәҭоу аҭакзыԥхықәу аусуҩцәа адҵагьы риҭеит», - иҳәеит Аслан Бжьаниа.

Ахада иара убас иҳәеит аиԥылараҟны ишрыхәаԥшыз Аԥсны арратә шәарҭадара азҵаарақәа;  аԥсны-урыстәылатәи аҳәааи аужьратә пункти ирыдҳәалоу азҵаарақәа; В. Арӡынба ихьӡ зху Аҟәатәи жәларбжьаратәи аҳаиртә баӷәаза аиҭашьақәыргылара; короновирустә аҿкы алаҵәара аҿагылараҟны ацхыраара; аихамҩатә кредит аркреи Аԥсны иалсны ицо аихамҩатә транзит; ареспублика ауааԥсыра иҷыдоу зыҩаӡара ҳараку атехнологиатә  медицинатә цхыраара рыҭара уҳәа убас егьырҭ азҵаарақәагьы.  
Апресс–конференциа мҩаԥысуан ҩ-сааҭк.  Ахада АИХ ахаҭарнакцәа рыҟнытә 30 зҵаара рҭак ҟаиҵеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org