16.11.2020
Аԥсны Аҳәынҭқарра Ахада Аслан Бжьаниа Шьамтәылатәи Ахада Башар Асад адышшыларатә цҳамҭа изишьҭит Шьамтәылатәи Арабтә Республика Аԥыза-министр ихаҭыԥуаҩ, Адәныҟатәи аусқәа рминистр Уалид аль-Муалемм иԥсҭазаара иалҵра инамаданы.
Адышшыларатә цҳамҭаҟны иазгәаҭоуп:
«Аԥсны жәлар рыхьӡала, хаҭала сара сҟынтә гәалсра дула сшәыдышшылоит Шәаргьы шьамтәылатәи ажәлар зегьы Апминистрцәа рхеилак Ахантәаҩы Ихаҭыԥуаҩ, аҳәаанырцә иҟоу аџьынџьуаа русқәа рзы Шьамтәылатәи Арабтә Республика Адәныҟатәи аусқәа рминистр Уалид аль-Муалемм иԥсҭазаара иалҵра инамаданы.
Уалид аль-Муаллем иԥсҭазааратә мҩа Аԥсадгьыл амаҵураҟны иналукааша ҿырԥшуп. Аԥсны Аҳәынҭқарраҟны ҳаҭыр зқәу Муаллем иҩызара ахә ҳаракны иршьон аҟнытә цәыӡ дуны ирыдыркылеит уи иԥсҭазаара иалҵра.
Уалид аль-Муаллем ахааназы ҳгәалашәараҟны дынхоит ҩыза иашаны, хамеигӡарак ззымдыруаз политикны. Аԥсны анапхгареи Аԥсны жәлари шәхьаа шәыцеиҩыршоит, ишәыцгәырҩоит.
Ҳаҭырла,
Аслан Бжьаниа».