Аҧсны Аҳәынҭқарра Ахада

 

Имҩаԥысуеит Аԥсни Урыстәылеи Рхадацәа реиԥылара

12.11.2020

Имҩаԥысуеит Аԥсни Урыстәылеи Рхадацәа реиԥылара

Аиԥылара мҩаԥысуеит Шәача ақ. Урыстәылатәи Афедерациа Ахада ирезиденциаҟны.

В.Путин: Ҳаҭыр зқәу Аслан Гьаргь-иԥа, Шәбара гәахәароуп сара сзы!

Аҵыхәтәан Москва Апарад аҟны ҳаибабеит ҳәа сгәы иаанагоит. Аха уажәы ҳмыццакӡакәа ҳҳәынҭқаррабжьаратә еизыҟазаашьақәа шымҩаԥысуа атәы ҳалацәажаәартә аҭагылазаашьа ҳамоуп.
Рыцҳарас иҟалаз, апандемиа аекономика анырра анаҭоит. Аха, ҳәарада, Урыстәыла аԥхьаҟагьы аус шәыцызуа атәылақәа раԥхьа игылоуп, ареспублика аекономикатә еикәшара зегьы аҟнытә 70 процент Урыстәыла иадҳәалоуп.  
Ҳара ҳусеицураҟны даара аҵак ду змоу ахырхарҭақәа ҳамоуп, атуризм атәы сҳәаӡом шьҭа, аха иҟоуп егьырҭ: ақыҭанхамҩа, ателекоммуникациа. Ари зегьы иахьа ҳазлацәажаәараны иҟоу роуп.  

Сгәы иаанагоит, урыстәылатәи аҳақьымцәа иахьа иҟарҵо ацхыраарагьы аҵакы амоуп ҳәа. Издыруеит ҳаспециалистцәа азона ҟаԥшь аҟны аус шыруа. Атәылахьчара аминистррагьы имобилтәу ахәшәтәырҭа аанартит, арратә хәышәтәҩцәа аус руеит.  
Арҭи егьырҭ, азеиԥш интересқәа рҵакы змоу азҵаарақәеи  иахьа  шәареи сареи ҳмыццакӡакәа ҳрылацәажәоит ара, нас аусуратә шьыжьхьаан.

А.Бжьаниа: Иҭабуп.Иҭабуп ҳәа шәасҳәар сҭахуп иахьатәи ҳаиԥыларазы. Ас еиԥш иҟоу аформат ала аиԥылара раԥхьаӡа акәны имҩаԥысуеит.
Аҭагылазаашьа схы иархәаны, Аԥсны жәлар рыхьӡала Урыстәыла ажәлар, хаҭала Шәара,  Владимир Владимир-иԥа, акыр шықәса раахыс адгылареи ацхыраареи иҳашәҭо рзы. Аҩыза, ишдыру еиԥш, ацәгьараҟноуп дахьудыруа, аҵыхәтәантәи аамҭазы иҳалалаз апандемиа аан даҽазныкгьы уи агәра ҳгартә иҟалеит.

Иҭабуп ҳәа расҳәар сҭахуп Атәылахьчара аминистрра анапхгара иаадыртыз ахәышәтәырҭазы.

Урыстәылатәи аҳақьымцәа ацхыраара ду ҳарҭоит: еиԥҟьарак ҟамҵакәа инеимдааимдо гәдоуҭатәи ахәшәтәырҭахь иаҳзаауеит урыстәылатәи аҳақьымцәа. Ари, ҳәарада, ахә ашьара уадаҩуп ҳҭгылазаашьаҿы. Зегьы иҭабуп ҳәа шәаҳҳәоит ари азы.    

Аԥсны анапхгара аиқәшаҳаҭра ду аҟны, егьырҭ аусбарҭабжьаратә еиқәшаҳаҭрақәа рыҟны иазгәаҭоу зегьы рынагӡара иазхиоуп, избанзар ари зегьы Аԥсны аҳәынҭқарратәреи ахьыԥшымреи рырӷәӷәара иазкуп.
Ижәдыруазар сҭахын: Шәара Аԥсны есқьынгьы ишышәзыԥшу, ааԥхьара шәысҭоит.  

В.Путин: Иҭабуп.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org