Аҧсны Аҳәынҭқарра Ахада

 

Аслан Бжьаниа аҩныҵҟатәи аусқәа аусзуҩцәеи аветеранцәеи Амилициа амш рыдиныҳәалеит

10.11.2020

Аслан Бжьаниа аҩныҵҟатәи аусқәа аусзуҩцәеи аветеранцәеи Амилициа амш рыдиныҳәалеит

Аԥсны Аҳәынҭқарра Ахада Аслан Бжьаниа  аҩныҵҟатәи аусқәа аусзуҩцәеи аветеранцәеи Амилициа амш рыдиныҳәалеит.

Адныҳәаларатә текст аҟны иҳәоуп:

Ҳаҭыр зқәу аҩныҵҟатәи аусқәа аусзуҩцәеи аветеранцәеи!

Гәык-ԥсыкала ишәыдысныҳәалоит шәзанааҭтә ныҳәа – Аԥсны Аҳәынҭқарра Аҩныҵҟатәи аусқәа русбарҭақәа русзуҩцәа Рымш.
Шәара шәыԥсҭазаара аҵак ду змоу аҭакԥхықәра ду зцу аус – ҳтәылауаа рзинқәеи рзакәантә интересқәеи, ауаажәларратә леишәа, ашәарҭадара рыхьчара, ацәгьоура аҿагылара иазышәкит.    

Аҩныҵҟатәи аусқәа русбарҭақәа рҟын аус руеит апрофессионалцәа, ауали, ахьӡ-аԥшеи баша ажәаны акәымкәа, зымч-зылша есҽны уи иазызкуа ауаа.  
Ҳмилициа аусзуҩцәа рыԥсҭазаара ашәарҭа ианҭагылоугьы, хамеигӡарада Аԥсны ауааԥсыра рыхьчареи рҭынчра аиқәырхареи алдыршоит.  
Азинхьчаратә система, аҩныҵҟатәи аусқәа русбарҭақәа ганрацәала адгылара рыҭара атәыла анапхгара ауснагӡатә хадақәа ируакуп. Ҳара иҳалшо зегьы ҟаҳҵалоит аҩныҵҟатәи аусқәа рминистрра аусзуҩцәа  рматериалтә-техникатә еиқәыршәара аиӷьтәразы.

Ҷыдала иҭабуп ҳәа расҳәарц сҭахуп Аҩныҵҟатәи аусқәа русбарҭақәа рветеранцәа, ҿыц азинхьчаҩцәа игыло рабиԥарақәа иҿырԥшыгоу зыԥсҭазааратәи ззанааҭтәи ԥышәеи рымаздо. Аԥсны Аџьынџьтәылатә еибашьраан иаадырԥшыз афырхаҵара Аԥсадгьыл амаҵуразы қәырԥшыганы иҟоуп.

Абри аныҳәамә аҽны аус зуа  Аҩныҵҟатәи аусқәа русбарҭақәа русзуҩцәеи рветеранцәа ирзеиӷьасшьоит агәабзиара, аихьӡарақәа Ҳаԥсадгьыл аизҳазыӷьара аус аҟны.    


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org