Аҧсны Аҳәынҭқарра Ахада

 

Хазреҭ Совмен COVID-19 аҿагыларазы 50 миллион мааҭ Аԥсны иазоуижьит

03.11.2020

Хазреҭ Совмен COVID-19 аҿагыларазы 50 миллион мааҭ Аԥсны иазоуижьит

Аԥсны Аҳәынҭқарра Ахада Аслан Бжьаниа Москва усуратә визитла иҟазаараан Адыгеиа Ареспублика ԥасатәи ахада, анаплакҩы, амеценат, Аԥсны аҩыза ду Хазрет Совмен диԥылеит.

Аҳәынҭқарра Ахадеи Адыгеиа ԥасатәи анапхгаҩи азҵаарақәа жәпакы ирылацәажәеит. Аиҿцәажәараан Аслан Бжьаниа далацәажәеит ҳазҭагылоу аамҭазы Аԥсны иҟоу аҭагылазаашьа.

Хазреҭ Меџьид-иԥа акыр шықәса раахыс Аԥсны аганахь имоу агәбылра, аҳаҭырқәҵара даҽазныкгьы ишьақәырӷәӷәаны, иӡбан ихатә харџьқәа рыҟнытә Аԥсны 50 миллион мааҭ азоужьра.

Аслан Бжьаниа Адыгеиа ԥасатәи ахада Хазреҭ Меџьид-иԥа Совмен иҭабуп иаҳәо, иаҵшьны иазгәеиҭеит Аԥсны ибара есқьынгьы ишазыԥшу, гәахәараны ишырыԥхьаӡо.

Аԥсны Ахада Ипресс-маҵзура аԥарақәа короновирустә ҿкы иаҿагыланы ақәԥара иазкхоит ҳәа аанацҳауеит .


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org