Аҧсны Аҳәынҭқарра Ахада

 

Аслан Бжьаниа Владимир Путин Жәлар ракзаара амш идиныҳәалеит

04.11.2020

Аслан Бжьаниа Владимир Путин Жәлар ракзаара амш идиныҳәалеит

Аԥсны Аҳәынҭқарра Ахада Аслан Бжьаниа Владимир Урыстәылатәи Афедерациа Ахада Владимир Путин Жәлар ракзаара амш идиныҳәалеит.

Адныҳәаларатә цҳамҭаҟны иҳәоуп:́

"Ҳаҭыр зқәу Владимир Владимир-иԥа!

Урыстәыла ажәлар раԥхьа шәнаргыланы ишәыдысныҳәалоит Жәлар ракзаара амш.

Ари аҳәынҭқарратә ныҳәа рацәак шахымҵуагьы, акрызҵазкуа Урыстәыла аныҳәақәа ирхыԥхьаӡалоуп, фырхаҵара згым Урыстәылатәи аҳәынҭқарра иасимволуп.

XVII ашәышықәса алагамҭазы хылҵшьҭрала, милаҭла еиуеиԥшым ажәларқәа рҽеидкыланы польшатәи ақәылаҩцәа ирҿагылеит Москва ахақәиҭтәразы. Ари аҭоурыхтә фырхаҵара Урыстәылатәи аҳәынҭқарра аҿиара шьаҭас иамоуп иахьа.
Аԥсны Аҳәынҭқарра Урыстәыла Дуӡӡеи иареи традициала ирыбжьоу аиҩызаратә еимадарақәа рырӷәӷәареи рырҿиареи аԥыжәара змоу ауснагӡатәқәа иреиуоуп. Ҳара ҳажәлар ахә ҳаракны иршьоит ҳадгьыл аҟны аҭынчра аиқәырхареи ганрацәалатәи ацхыраареи адгылареи рзы Урыстәылатәи Афедерациа анапхгара иҟанаҵо.

Ҳаҭыр зқәу Владимир Владимир-иԥа!

Абри аныҳәамш аҽны ишәзеиӷьасшьоит Аԥсадгьыл амаҵураҟны аринахысгьы аихьӡарақәа, Урыстәыла ажәлар - аҭынчреи аизҳазыӷьареи".





Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org