Аԥсны Аҳәынҭқарра Ахада Аслан Бжьаниа Москва усуратә визитла иҟазаара иалагӡаны Москватәи Автомашьына-мҩатә ҳәынҭқарратә техникатә институт (МАМИ) даҭааит.
Аҳәынҭқарра Ахада аҵараиурҭаҟны иҟазаара алҵшәақәа рыла иҳәеит Аԥсни Автомашьына-мҩатә ҳәынҭқарратә техникатә институти рыбжьара аусеицура ашьақәыргылара иабзоураны абри аҵараиурҭаҟны аҵара зҵарц зҭаху аҿар ацхыраара рыҭара шалыршахо.
Аслан Бжьаниа иазгәеиҭеит 1985 шықәсазы абри аҵараиурҭа дшалгаз анџьныр-аргылаҩ изанааҭ ала.
Аамҭала МАМИ аректор инапынҵақәа назыгӡо Андреи Келлер иҳәеит аҵараиурҭа Аԥсны амҩатә нхамҩеи атранспорттә инфраструктуреи рыҿиараҟны ацхыраара рыҭара ишазхиоу.