Аҧсны Аҳәынҭқарра Ахада

 

Иаԥҵоуп Т.М.Шамба иԥсыжра аиҿкааразы Аҳәынҭқарратә комиссиа

13.10.2020

Иаԥҵоуп Т.М.Шамба иԥсыжра аиҿкааразы Аҳәынҭқарратә комиссиа

Иналукааша аԥснытәи, урыстәылатәи ауаажәларра-политикатә усзуҩы, аиуристтә ҭҵаарадыррақәа рдоктор, Кавказ ажәларқәа Урыстәылатәи рконгресс ацхантәаҩы, Ҳаҭыр зқәу ААУ апрофессор, «Ахьӡ-Аҧша» аорден I, II аҩаӡара занашьоу Тарас Мирон-иԥа Шамба иԥсҭазаара иалҵра инамаданы Аԥсны Аҳәынҭқарра Ахада Аслан Бжьаниа иҟаиҵаз Адҵала иаԥҵоуп  Ахада Ихаҭыԥуаҩ Бадра Гәынба хантәаҩра ззиуа Аҳәынҭқарратә комиссиа.  

Акомиссиа аилазаараҟны иҟоуп:

         Ахба И.М. – Урыстәылатәи Афедерациаҟны иҟоу Аԥсны Аҳәынҭқарра Аҷыдалкаатәи Азинмчзмоуи Ацҳаражәҳәаҩ;

         Аламиа Г.Ш. – ауаажәларратә усзуҩы;

         Боџьгәуа Б.Ф. – Гәдоуҭа араион администрациа ахада ин.н.;

         Гәарамиа А.А. – Аԥснытәи аҳәынҭқарратә университет аректор;

         Џьапуа З.Џь. – Аԥсны Аҭҵаарыдррақәа Ракадемиа ахада;

         Џьопуа Б.Ц. – Аԥсны Аҳәынҭқарра Аԥыза-министр Актәи ихаҭыԥуаҩ, ақыҭанхамҩа аминистр;  

          Қаџьаиа З.Ф. – Аԥсны Аҳәынҭқарра Ахада Иадминистрациа Анапхгаҩы ин.н.;

         Сангәлиа М.П. – Аԥсны Жәлар Реизара – Апарламент Аиҳабы ихаҭыԥуаҩ;

         Сангәлиа Д.Р. – Аминистрцәа реилазаара Аппаратә Анапхгаҩы;

         Цыгәба В.М. – ауаажәларратә усзуҩы;

         Чрыгба В.А. – Аԥсны Ахада иҟны иҟоу Астратегиатә ҭҵаарақәа рцентр адиректор;

         Ешба Б.Ф. –Аҟәа ақ. Администрациа ахада;

         Егзакь М.Ҳ. – Аԥсуа-абаза жәлар Адунеизегьтәи рконгресс Иреиҳаӡоу Ахеилак ахантәаҩы.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org