Аҧсны Аҳәынҭқарра Ахада

 

Аҧсны Аҳәынҭқарра Ахада, Арбџьар Мчқәа Рыдҵаҟаҵаҩ хада Аслан Бжьаниа Аҧсны Ар анапхгареи хаҭалатәи аилазаареи Аҧсны Аҳәынҭқарра Арбџьар мчқәа рымш рыдиныҳәалеит

12.10.2020

Аҧсны Аҳәынҭқарра Ахада, Арбџьар Мчқәа Рыдҵаҟаҵаҩ хада Аслан Бжьаниа  Аҧсны Ар анапхгареи хаҭалатәи аилазаареи Аҧсны Аҳәынҭқарра Арбџьар мчқәа рымш рыдиныҳәалеит

Аҧсны Аҳәынҭқарра Ахада, Арбџьар Мчқәа Рыдҵаҟаҵаҩ хада Аслан Бжьаниа  Аҧсны Ар анапхгареи хаҭалатәи аилазаареи Аҧсны Аҳәынҭқарра Арбџьар мчқәа рымш рыдиныҳәалеит.  

Адныҳәаларатә текст аҟны иҳәоуп:  

Аҩызцәа, аинралцәа, аофицерцәа, апрапоршьчикцәа, амичманцәа, асолдацәа, амшынуаа!

            Ишәыдысныҳәалоит Аҧсны Аҳәынҭқарра Арбџьар мчқәа раҧҵара 28 шықәса ахыҵра амш.

           1992 шықәса жьҭаарамза 11 рзы, Аҧсны Аџьынџьтәылатә еибашьра ашыкьымҭазы, Аҳәынҭқарратә тәылахьчаратә еилакы Ахантәаҩы  В. Г. Арӡынба инапы аҵаиҩит Атәылахьчара аминистрра, Арбџьар мчқәа, Аштаб хада раҧҵаразы Аҧсны Иреиҳаӡоу Асовет Апрезидиум Ақәҵара.

Амилаҭтә ар шьаҭас иаиуит Аҧсны Аџьынџьтәылатә еибашьра иалахәыз аҧсадгьыл ахьчаҩцәа рыла ишьақәгылаз архәҭақәа. Арезервистцәа иахьа уажәраанӡагьы ҳҳәынҭқарра ашәарҭадара алыршаразы акрызҵазкуа мычны иҟоуп.  

           Аҩызцәа аофицерцәа, адунеи аҟны имҩаҧысуа ахҭысқәа иҳарҳәоит ақәылаҩ иҿагылара, Аҧсны Аҳәынҭқарра ахьыҧшымреи, адгьылҵакыратә акреи рыхьчара есқьынгьы ҳазхиазар шакәу. Ирҕәҕәатәуп Аҧсны Арбџьар мчқәа ҳазҭагылоу аамҭазтәи аҭахрақәа ирықәшәартә еиҧш рырҿыцра. Атәыла анапхгара аҳәынҭқарра атәылахьчаратә лшара ашьҭыхра, ар  рматериалтә-техникатә база рырҕәҕәаразы иаҭаху ауснагӡатәқәа рынагӡара иаҿуп.

Аҧсны Ари Урыстәылатәи Афедерациа Аладатәи арратә округи еицымҩаҧырго аҽазыҟаҵарақәа, хымҧада, ҳарбџьар мчқәа рырҕәҕәара иацхраауеит.
  
            Ари аҭагылазаашьа бзиа схы иархәаны, даҽазныкгьы Атәылахьчара аминистрра анапхгареи хаҭалатәи аилазаареи ирыдысныҳәаларц сҭахуп 2020 ш. Москва имҩаҧысуаз жәларбжьаратәи ахәмаррақәа рыҟны ҳтанкистцәа иргаз аиааира.    

           Акыр иаҧсоу аррамаҵзуцәа, акрызҵазкуа абри амш аҽны шәаргьы, хьӡи-ҧшеи згым ҳрезервистцәагьы, ишәзеиҕььасшьоит агәабзиара, анасыҧ, Аҧсадгьыл ахьчара иазку шәмаҵураҟны аихьӡарақәа!  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org