Аҧсны Аҳәынҭқарра Ахада

 

Ахада Кындыҕ ақыҭаҟны еизаку анаплакы «Аҧсныацха» даҭааит

08.10.2020

Ахада Кындыҕ ақыҭаҟны еизаку анаплакы «Аҧсныацха» даҭааит

Аҧсны Аҳәынҭқарра Ахада Аслан Бжьаниа иахьа Очамчыра араион Кындыҕ ақыҭан Ақыҭанхамҩа аминистрра иаҵанакуа еизаку анаплакы  «Аҧсныацха» даҭааит.

Аҳәынҭқарра Ахада анаплакы атехникатә ҭагылазаашьа, аӡеи ихиоу аалыҵи рыҵәахышьа гәеиҭеит.  

Анаплакы  «Аҧсныацха» Адиректор Даур Тугәуш иҳәеит ацха аҭиразы иҟоу ауадаҩра; ацхеихшарҭа азауад аҟны тоннала ирыцқьам ацха шгылоу, уи ахәҭак шыҧхасҭахьоу. Ҳазҭагылоу аамҭазы анаплакы аус ауӡом аҭира иацу ауадаҩрақәа ирыхҟьаны, иара убас, раҧхьа иргыланы, анаплаки ацха азҭо реилибамкаара иахҟьаны: ашьхааӡаҩцәа азауад иаднакыло аалыҵ иақәнаҵо ахә иақәшаҳаҭым.
  
Аслан Бжьаниа иазгәеиҭеит  аҧсуа цха ахаҭабзиаразы даҽакы иаҵамхо ишыҟоу. Азауад анапхгара ирабжьигеит заҧҵара ахарџь маҷымкәа иақәырӡу анаплакы ахырҳагара алзыршо азыӡба азырыҧшаарц.

Абри анаҩс, аҳәынҭқарра Ахада Аҧсны ашьхааӡаҩцәа рхеидкыла ахаҭарнакцәа злахәыз аиҧылара мҩаҧигеит. Аиҧылараҟны иалацәажәан ари аусхк аҟны иҟоу аҭагылазаашьа.

Аҳәынҭқарра Ахада ицын аҧыза-министр ихаҭыҧуаҩ, ақыҭанхамҩа аминистр Беслан Џьопуеи Очамчыра араион Администрациа ахада Станислав Амыҷбеи.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org