Аҧсны Аҳәынҭқарра Ахада

 

Аслан Бжьаниа Владимир Путин Имшира идиныҳәалеит

07.10.2020


Аҧсны Аҳәынҭқарра Ахада Аслан Бжьаниа Урыстәылатәи Афедерациа Ахада Владимир Путин Имшира идиныҳәалеит.

Адныҳәаларатә цҳамҭаҟны, ҷыдала, иҳәоуп:

"Ҳаҭыр зқәу Владимир Владимир-иҧа!

Милаҭрацәала еилоу Аҧсны жәлар зегьы  рыхьӡала, хаҭала сара сҟынтә гәык-ҧсыкала ишәыдысныҳәалоит Шәымшира.
Акыршықәса раахыс Урыстәылатәи Афедерациа аинтересқәа рыхьчара, уи иамоу жәларбжьаратәи анырра арҕәҕәара иаҿу амилаҭтә ҧыза иаҳасабала, Шәара Урыстәыла еиҧш уи анҭыҵгьы миллионҩыла ауаа раҳаҭыр шәаҧсахеит. Шәара имҩаҧыжәго адәныҟатәии аҩныҵҟатәии аполитика иабзоураны Урыстәыла иахьа аҭоурых дуи аҧеиҧш бзиеи змоу, иҭышәынтәалоу,  зхы иақәиҭу, мчы змоу ҳәынҭқарроуп.

Гәыкала иҭабуп ҳәа шәасҳәоит, ҳаҭыр зқәу Владимир Владимир-иҧа, Аҧсны асоциалтә-економикатә ҿиара, ашәарҭадареи ҳажәларқәа рыбжьара акультуратәи агуманитартәи еимадарақәа рырҭбаареи рызҵаарақәа гәцаракрала шәахьырзыҟоу, ари наҟ-ааҟ ҳтәылақәа рабиҧарақәагьы реизыҟазаашьақәа уасхыр ҕәҕәаны ирзышьҭаҵахоит.

Ҳаҭыр зқәу Владимир Владимир-иҧа, акрызҵазкуа абри амш аҽны ишәзеиҕьасшьоит агәабзиара, аихьӡара ҿыцқәа аҭакҧхықәра зцу аҳәынҭқарратә усураҟны, Урыстәыла ажәлар зегьы  - аҭынчреи аизҳазыҕьареи.

Ҳаҭырла,

       Аҧсны Ахада А. Бжьаниа"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org