Аҧсны Аҳәынҭқарра Ахада

 

Аҧсны Ахада Адыгеиа Ахада Мураҭ Кумпилов Ареспублика амш идиныҳәалеит

05.10.2020

Аҧсны Аҳәынҭқарра Ахада Аслан Бжьаниа Адыгеиа Ахада Мураҭ Кумпилов Ареспублика амш идиныҳәалеит.

Адныҳәаларатә цҳамҭаҟны иҳәоуп:

“Ҳаҭыр зқәу Мураҭ Каральби-иҧа!

Аҧсны жәлар рыхьӡала, хаҭала сара сыхьӡала ишәыдысныҳәалоит аҳәынҭқарратә ныҳәа – Адыгеиа Ареспублика аҧҵара амш.
  
  Иахьа ҳаиашьаратә Адыгеиа ажәлар иазгәарҭоит ареспублика аҧҵоижьҭеи 29 шықәса аҵра арыцхә. Ари адыгақәа шәышықәсалатәи рҭоурых аҟны акрызҵазкуа хҭысны иҟалеит.  

1991 шықәсазы Ареспублика Азакәанҧҵаратә еизара (Хасе) иаднакылаз илахьынҵаӡбагаз азыӡба Урыстәылатәи Афедерациа азинмчызмоу асубиект аҳасабала атәыла ганрацәалатәи аҿиаразы алшара дуқәа аанартит.

Сара агәра згоит Аҧсны Аҳәынҭқарреи Адыгеиа Ареспубликеи ирыбжьоу аамҭа иҧнашәахьоу аизыҟазаашьақәа  есааира ишыҕәҕәахало, аҿиара шроуло.

       Ҳаҭыр зқәу Мураҭ Каральби-иҧа, акрызҵазкуа абри амш аҽны  ишәзеиҕьасшьоит агәабзиара, агәамч, аихьӡарақәа, адыга жәлар – аҭынчра,  аизҳазыҕьара.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org