Аҧсны Аҳәынҭқарра Ахада

 

Ахада Аҧсны атәылауаа арратә маҵзурахьы рааҧхьареи арратә маҵзура иахысуа атәылауаа аррамаҵзураҟнытә рхы рақәиҭтәреи ирызку Аусҧҟа инапы аҵаиҩит

02.10.2020

Жьҭаарамза 1 азы Аҧсны Аҳәынҭқарра Ахада Аслан Бжьаниа 2020 шықәса жьҭаарамза-ҧхынҷкәынмзазы Аҧсны Аҳәынҭқарра атәылауаа
арратә маҵзурахьы рааҧхьареи арратә маҵзура иахысуа атәылауаа аррамаҵзураҟнытә рхы рақәиҭтәреи ирызку Аусҧҟа инапы аҵаиҩит.

Аусҧҟа инақәыршәаны, «Арратә хыдҵеи арратә маҵзуреи рзи»  «Атәылахьчараз» азакәанқәа шьаҭас ҟаҵаны 2020 шықәса жьҭаарамза 1 инаркны ҧхынҷкәынмза 31 рҟынӡа арратә маҵзурахьы иааҧхьоуп 18 инаркны 27 шықәса рҟынӡа зхыҵуа Аҧсны Аҳәынҭқарра атәылауаа ҧхьатәара иҟам, арратә маҵзурахьы ааҧхьара иаҵанакуа 330 -ҩыуаак.
Арратә маҵзураҟнытә рхы иақәиҭтәуп арратә маҵзура ахысразы зыҿҳәара нҵәаз асолдаҭцәа, аматросцәа, асержантцәа,  асҭаршинцәа.

Аминистрцәа реилазаара, ақалақьқәеи араионқәеи радминистрациақәа рнапы ианҵоуп Аҧсны Аҳәынҭқарра атәылауаа арратә маҵзурахьы рааҧхьареи арратә маҵзураҟнытә рхы рақәиҭтәреи ирыдҳәалоу аусмҩаҧгатәқәа нхарҭәааны рымҩаҧгара алыршара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org