Аҧсны Аҳәынҭқарра Ахада

 

Приднестровиатәи Молдавиатәи Ареспублика Ахада Вадим Красносельски Аслан Бжьаниа Аиааиреи Ахьыҧшымреи рымш идиныҳәалеит

30.09.2020

Приднестровиатәи Молдавиатәи Ареспублика Ахада Вадим Красносельски Аслан Бжьаниа Аиааиреи Ахьыҧшымреи рымш идиныҳәалеит

Приднестровиатәи Молдавиатәи Ареспублика Ахада Вадим Красносельски Аҧсны Аҳәынҭқарра Ахада Аслан Бжьаниа Аиааиреи Ахьыҧшымреи рымш идиныҳәалеит.  

Цәыббрамза 30 рзы Приднестровиатәи Молдавиатәи Ареспублика Ахада Вадим Красносельски Аҧсны Аҳәынҭқарра Ахада Аслан Бжьаниа Аиааиреи Ахьыҧшымреи рымш идиныҳәалеит.  

Адныҳәалараҟны, ҷыдала, иҳәоуп:

«Ари аныҳәа – амилаҭ ракреи Аҧсны аҧеиҧш азы рзеиҧш ҭакҧхықәреи ирсимволуп. Аҭоурых иаҳнарбахьеит Ахьыҧшымра ажәларқәа, амилаҭқәа имарианы ишырмоуа.

Ари аҵабырг аҵаулара бзианы еилызкаауа аҧсуа жәлар наунагӡа ргәалашәараҟны инхоит хамеигӡарада, фырхаҵарыла ахьыҧшымразы ақәҧаразы игылаз абиҧарақәа.  
Гәахәарыла иазгәауҭартә иҟоуп аҵыхәтәантәи ашықәсқәа рзы ахандеира иаҿу аҧсуа жәлар рабацәа рааҧсарала, рҟыҕарала иаҧҵоу зегьы реихаҳара амҩа ишану.  

Ари аныҳәатә ҭагылазаашьа схы иархәаны исҳәарц сҭахуп, ҳҳәынҭқаррақәа реидгылареи реиҩызаратә еимадарақәеи аҧхьаҟагьы рырҕәҕәара ҳшазхиоу атәы.

Ҳаҭыр зқәу Аслан Гьаргь-иҧа, Аҧсны жәлар зегьы ирзеиҕьасшьоит агәабзиара, аихьӡарақәа рнапы зларкуа аус бзиақәа рыҟны!
Ирыгымзааит дасу шәыҩнаҭақәа аҭынчреи аҳәоуеиқәшәареи!»


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org