Аҧсны Аҳәынҭқарра Ахада

 

Ахада Аҧсны иҟоу ААО арратә база адҵаҟаҵаҩ Олег Сеньков дидикылеит

29.09.2020

Ахада Аҧсны иҟоу ААО арратә база адҵаҟаҵаҩ Олег Сеньков дидикылеит

Аҧсны Аҳәынҭқарра Ахада Аслан Бжьаниа Аҧсны иҟоу ААО арратә база адҵаҟаҵаҩ Олег Сеньков дидикылеит.  

«Ҳаҭыр зқәу Аслан Гьаргь-иҧа!

Гәык-ҧсыкала ишәыдысныҳәалоит Аладатәи арратә округ 49-тәи азеиҧш архәҭатә Ар рыдҵаҟаҵаҩ Иаков Резанцев ихьӡала иара убас ҳара зегьы ҳаҟнытә Аҧсны Аҳәынҭқарра амилаҭтә ныҳәа  – Аиааиреи Ахьыҧшымреи рымш. Ажәлар ари аныҳәа ргәалашәонаҵы Аҧсны аҧсы ҭазаауеит»,- иҳәеит Олег Сеньков.
ААО арратә база адҵаҟаҵаҩ Аслан Бжьаниа изеиҕьеишьеит агәабзиара, агәамч, аихьӡарақәа, аҧсны жәлар – аҭынчра, аизҳазыҕьара.

Аҧсны Ахада Олег Сеньков иҭабуп ҳәа еиҳәеит.

«Аҭагылазаашьа схы иархәаны, Аладатәи арратә округ 49-тәи азеиҧштә архәҭатә Ар рыдҵаҟаҵаҩ Иаков Резанцев иҭабуп ҳәа иасҳәарц сҭахуп. Иаков Владимир-иҧа Резанцев – сҩыза бзиа иоуп. Хаҭала дыздыруеит. Уи Аҧсны Аҳәынҭқарра ашәарҭадара аиқәырхараҟны хаҭала илагаламҭа адуп.  Ара есқьынгьы изыҧшуп, бзиа дырбоит, аҧсуа жәлар раҳаҭыр даҧсоуп»,- иҳәеит Ахада.

Аҳәынҭқарра Ахада Аҧсны иҟоу ААО арратә база хаҭалатәи аилазаара ирзеиҕьеишьеит аихьӡара дуқәа рнапы иану имариам аус аҟны.  
Аиҧылара далахәын Аҧсны иҟоу Урыстәылатәи Афедерациа Ацҳаражәҳәара абжьгаҩ Владислав Нечипоренко.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org