Аҧсны Аҳәынҭқарра Ахада

 

Ахада Аиааира амш аламҭалазы амедицинатә усзуҩцәа аџьшьара риҭеит

29.09.2020

Ахада Аиааира амш аламҭалазы амедицинатә усзуҩцәа аџьшьара риҭеит

Аҧсны Аҳәынҭқарра Ахада Аслан Бжьаниа Аиааира амш аламҭалазы агәабзиарахьчара аминистр Ҭамаз Ҵахнакьиа дидикылеит.

Аҳәынҭқарра Ахада цәыббрамза 15 рзы Гәдоуҭа ақ. аҟны ковид-центр аҿы иҟазаараан ажәа иҭиит короновирустә ҿкы иаҿагыланы ақәҧараҟны иалкаахаз амедицинатә усзуҩцәа аџьшьара шрыҭахо ала.  

Аҳақьымцәа аӡәырҩы аныҳәатә мшқәа раангьы аус зларуа ала, иҟоуп ичмазаҩхазгьы, џьоукы аҽыҧхьакрахь иҟоуп  азы зегьы Ахада Иадминистрациахь рааҧхьаразы алшара ыҟамызт.

Аҳәынҭқарра Ахада агәабзиарахьчара аминистр идиҵеит аҿкы чымазара ахәышәтәраҟны аҧхьа игылоу амедицинатә усзуҩцәа дрыдныҳәаланы, хамеигӡарада русуразы иҭабуп ҳәа реиҳәарц.

Аҧсны Ахада Аслан Бжьаниа Иусҧҟа ала иҿыцу короновирустә ҿкы COVID-19 алаҵәара иаҿагыланы ақәҧараҟны ламысла аџьа збо амедицинатә усзуҩцәа, иаадырҧшуа апрофессионализм ҳараки ахамеигӡареи рзы «Ахьӡ-Аҧша» аорден  III аҩаӡара ранашьоуп:  

            ШАМБА Ҳаџьараҭ Леуарса-иҧа –АУ «Гәдоуҭатәи араионтә хәышәтәырҭа хада» аҳақьым хада;
            ҶАНБА Инга Виқтор-иҧҳа –  Гәдоуҭа ақ. Асанитартә-епидемиологиатә маҵзура аҳақьым хада;
            ДАСАНИА Мадина Мкан-иҧҳа – АА АМ АУ «Амилаҭтә онкологиатә центр» анестезиологиеи ареанимациеи рыҟәша аиҳабы;
            ОҬЫРБА Ангелина Ҭенгиз-иҧҳа – АУ «Гәдоуҭатәи араионтә хәышәтәырҭа хада» ахәыҷтәы ҟәша аиҳабы.          
Аҧсны Ахада аџьшьаратә шәҟәқәа инапы рыҵаиҩит, аҧаратә ҳамҭақәа рзауижьит. Ковид-центр аҳақьымцәа, абжьаратәии аиҵбыратәии аусзуҩцәа аҧаратә цхыраара рыҭоуп Аҧсны иалҵыз шәачатәи анаплакҩцәа иҟарҵаз афинанстә цхыраара иабзоураны.
  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org