Аҧсны Аҳәынҭқарра Ахада

 

Жьҭаарамза 5 инаркны Аҧсны ауааҧсыра короновирустә ҿкы рацәыхьчаразы аҧкратә уснагӡатәқәа алагалахоит

18.09.2020

  Аҧсны Аҳәынҭқарра ауааҧсыра ргәабзиара коронавирустә ҿкы ацәыхьчара иазку Акоординациатә штаб азыӡба шьаҭас иҟаҵаны 2020 шықәса цәыббрамза 15 рзы Аҧсны Аҳәынҭқарра Ахада Аслан Бжьаниа инапы аҵаиҩит аҵаиҩит «Аҧсны Аҳәынҭқарра ауааҧсыра ргәабзиара коронавирустә ҿкы COVID-19 ацәыхьчара иазку хазы игоу ауснагӡатәқәа рышьақәыргыларазы» Адҵа.

Адҵа инақәыршәаны, 2020 шықәса жьҭаарамза 5 инаркны Аҧсны Аҳәынҭқарра адгьылҵакыраҟны иҟалаӡом рымҩаҧгара:  
*амассатә, аспорттә, арлахҿыхратә, алабаратә, ацәыргақәҵатә усмҩаҧгатәқәа ахыбрақәа рыҩныҵҟа, абри Адҵа апункт 6 ишьақәнаргыло аҧкрақәа ҳасаб рзуны инагӡахо акультура аусҳәарҭақәа аламҵакәа;
  *ачаратәи егьырҭ агәырҕьаратә усмҩаҧгатәқәеи.
Абжьгара ҟаҵоуп алахьеиқәратәи агәаларшәагатә усмҩаҧгатәқәеи зыҽрылазырхәуа ахаҿқәа рхыҧхьаӡара аҧкразы.  
Ауаажәларратә крыфарҭақәа робиектқәа  атәылауаа рымаҵура иазку аишәақәа рыбжьара асоциалтә дистанциа (1,5 метра) рыбжьаҵарази амаҵ зуа аусуҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхархәарази аҭаххарақәа рықәныҟәаразы.
Аҟәа ақалақьи Аҧсны араионқәеи  афатәтә, ақыҭанхамҩатә, ашәҵатәтәы рџьырмыкьақәеи урҭ ирыду адгьылҵакырақәеи радминистрациқәа есҽны апрофилактикатә дезинфекциа рзыруроуп.
Аҭыҧантәи администрациақәа ауаажәларратә транспорт аҩныҵҟа есҽны  апрофилактикатә дезинфекциа рзуразы, амашьынаныҟәцаҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхы иадырхәароуп.

Акультура аусҳәарҭақәа (атеатрқәа, амузеиқәа, акультуратә центрқәа, акультура ҩынқәа, аконцерттәи ацәыргақәҵатә залқәеи) русурақәа мҩаҧыргалароуп иарбоу аусҳәарҭақәа русуҩцәа хымҧада хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхы иадырхәароуп.
Аҧсны Аҳәынҭқарра Агәабзиарахьчара аминистрра иадҵоуп 2020 шықәса жьҭаарамза 15-нӡа:

иалкаазароуп Аҟәа ақ. Аҧсны араионқәеи рыҟны иҟоу амедицинатә усҳәарҭақәа,  урҭ рыҟны хазы иҟоу аҭыҧқәа раартреи русуреи алыршазааит короновирустә ҿкы змоу ахаҿқәа рышьҭаҵаразы;  

ихыркәшазааит Гәдоуҭатәи аковидтә центр аҟны аҵәыҵәри аҭаразы аиҿкаара-техникатә усмҩаҧгатәқәа. Аҧсны афинансқәа рминистрра иалнаршааит рфинансыркра:

Аҧсны Аҳәынҭқарра Агәабзиарахьчара аминистрра Аҳәынҭқарратә санитартә-епидемиологиатә маҵзура аусзуҩцәа рыштаттә хыҧхьаӡара ааҩык рҟынӡа аизырҳаразы иацҵаны ахарџьқәа рзы;  
короновирустә ҿкы аарҧшразы имҩаҧырго амедицинатә ҭҵаарақәеи атестқәеи рзы Агәабзиарахьчара аминистрра Аҳәынҭқарратә санитартә-епидемиологиатә маҵзура иҷыдоу амыругақәеи аныхтә материалқәеи раахәаразы;

абри Адҵа апункт 7 абзац 2 аҟны иарбоу аусмҩаҧгатәқәа;  
Аҧсны Аҳәынҭқарра аҵареи абызшәатә политикеи рминистрра иадҵоуп аҭыҧантәи   администрациақәеи иареи иааиҧмырҟьаӡакәа ашколнӡатәии азеиҧшҵараиуратәи усҳәарҭақәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи), средствами адезинфекциазы ахархәагақәеи, атермометри рыла реиқәыршәара.

Аҧсны Аҳәынҭқарра Агәабзиарахьчара аминистрра иақәнагоуп ауааҧсыра агрипп апрофилактикеи  иҕәҕәоу ареспираторных вирустә ҿкқәеи рзы адырра рыҭара.

Абри Адҵа анагӡаразы аҭакҧхықәра зду азинмчызмоу аусбарҭақәа:  
Аҟәа ақ., араионқәеи, аҳаблақәеи, ақыҭақәеи р-Администрациақәа;
Министерство Аҧсны Аҳәынҭқарра Акультура аминистрреи аҟәа ақалақьи араионқәеи р-Администрациақәа;
Аҧсны Аҳәынҭқарра Агәабзиарахьчара аминистрра;
Аҧсны Аҳәынҭқарра афинансқәа рминистрра;
Аҧсны Аҳәынҭқарра аҵареи абызшәатә политикеи рминистрреи  Аҟәа ақ., араионқәеи,   р-Администрациақәа.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org