Аҧсны Аҳәынҭқарра Ахада

 

Ахада Даниель Ортега Сааведра Никарагуа Ареспублика Ахьыҧшымра амш идиныҳәлеит

15.09.2020

Аҧсны Аҳәынҭқарра Ахада Аслан Бжьаниа Даниель Ортега Сааведра  Никарагуа Ареспублика Ахьыҧшымра амш идиныҳәлеит.

Адныҳәаларатә цҳамҭаҟны иҳәоуп:

Ҳаҭыр зқәу Ахада!
Аҧсны жәлари хаҭала сара сҟынтәии азин сышәҭозар, гәык-ҧсыкала ишәыдысныҳәалар сҭахуп Никарагуа Ареспублика Ахьыҧшымра амш.
Ари амш Никарагуа аҭоурых аҟны акрызҵазкуа рыцхәуп. Уи шәҳәынҭқарра ашьақәгылараҟны аамҭа ҿыц иалагамҭаны иҟоуп, Никарагуа ажәлар зхы иақәиҭу аҳәынҭқарра аргыларазы ирымоу агәазыҳәара иасимволуп.  

Ахьыҧшымра алыршаразы амҩа иацу ауадаҩрақәа зегьы здыруа, ахақәиҭра азин азықәҧара иацәхьамҵыз Аҧсны жәлар, Никарагуа Ареспублика ажәлар иазгәарҭо рмилаҭтә ныҳәаҽны ирымоу анасыҧ гәыкала ирыцеиҩыршоит.  

Аамҭа кьаҿк иалагӡаны ҳҳәынҭқаррақәа рыбжьара ишьақәгылеит аҳаҭыреиқәҵареи агәреибагареи шьаҭас измоу аиҩызара. Агәра згоит ҳара аҧхьаҟагьы ҳастратегиатә усеицура ишацаҳҵало, уи ҵакыла ишхаҳарҭәаауа, ари, ҳәарада, ҳажәларқәа реизҳазыҕьара ишацхраауа.  

  Ахада шәхаҵкы, аҭагылазаашьа схы иархәаны, азин сышәҭозар, ҳаҭыр ду шшәықәысҵо агәра шәырго, Ниакарагуа Ареспублика ҳаиашьаратә жәларгьы  ирзеиҕьасшьар сҭахуп аҭынчра, аизаҳзыҕьара”.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org