Аҧсны Аҳәынҭқарра Ахада

 

Ахада Гәдоуҭатәи араионтә хәышәтәырҭа хадаҟны еиҿкаау Ковид-центр даҭааит

15.09.2020

Аҧсны Аҳәынҭқарра Ахада Аслан Бжьаниа Гәдоуҭатәи араионтә хәышәтәырҭа хадаҟны еиҿкаау  Ковид-центр даҭааит.  Аҳәынҭқарра Ахада ицын агәабзиарахьчара аминистр Ҭамаз Ҵахнакьиа, аҧыза-министр ихаҭыҧуаҩ, афинансқәа рминистр Владимир Делба.

Аслан Бжьаниа ҕәҕәала ичмазаҩу рыхәышәтәра ахьымҩаҧысуа ахәшәтәырҭаҟны иҟоу аҭагылазаашьа  ибеит. Ахада ибеит иара убас акомпиутертә томограф иазку ауада мыругала аиқәыршәаразы аусура шымҩаҧысуа.

Аслан Бжьаниа имҩаҧигеит амедицинатә усзуҩцәа рҧылара. Аҳәынҭқарра Ахада аҳақьымцәа ихы рықәкны даҳәеит ахәышәтәырҭаҟны иҟоу ауадаҩрақәа иаартны ишыҟоу иарҳәарц.  
"Сара ус азҵаара зықәсыргыло аӡәы игәра сымго акәӡам, шәара ачымазара иаҿагыло раҧхьа шәгылоуп аҟнытә даҽаӡәы еиҧшымкәа аусқәа шыҟоу жәдыруеит",- иҳәеит Ахада.

Ахәшәтәырҭа аҳақьым хада Ҳаџьараҭ Шамба аҳәынҭқарра Ахада адырра ииҭеит ахәшәтәырҭақәа рыҟны иҟоу аҭагылазаашьазы.
Уи иазгәеиҭеит ҳазҭагылоу аамҭазы Ковид-центр ачымазцәа рыхәшәтәразы аҿаҧхьа иқәгылоу аҳасабтә аӡбара шалшо. Убри аан аҳақьым хада иазгәеиҭеит иаалырҟьаны ачымазцәа рхыҧхьаӡара иахьазҳаз ҳасаб азуны, аҭыҧқәа ишрыцҵатәу.  

Агәабзиарахьчара аминистр Ҭамаз Ҵахнакьиа иҳәеит Аҧсны ахәшәтәырҭақәа зегьы рыҟны ковид-ҿкы змоу ачымазцәа рыхәшәтәразы ҷыдала аҟәшақәа шазырхиахо.  
Ахада аҧыза-министр ихаҭыҧуаҩ, афинансқәа рминистр Владимир Делба адҵа ииҭеит аџьаҧса раҧхьа иргыланы Гәдоуҭатәи ахәшәтәырҭа аусзуҩцәа рыҭара амҩаҧгаразы.

Аслан Бжьаниа иҳәеит иара убас иацҵаны ашәатәқәа рынкылара ҟамлароуп ҳәа. Ахада амедицинатә усзуҩцәа зегьы иҭабуп ҳәа реиҳәеит хамеигӡарада русуразы, агәабзиарахьчара аминистр инапы ианиҵеит еиҳа иалкаахаз аҳәынҭқарра аганахьала иацҵаны аџьшьара рыҭаразы иқәиргыларц.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org